បន្ទាយមានជ័យ៖មន្ត្រីនគរបាល២នាក់រួមដំណើរនិងយុវជនម្នាក់ជិះម៉ូតូMSXបានស្លាប់និងរងរបួសធ្ងន់ក្នុងគ្រោះថ្នាក់បុកជាមួយរថយន្តធំដឹកអេដចាយនៅស្រុកព្រះនេត្រព្រះ។ហេតុការណ៍នេះបានកើតឡើងនៅលើផ្លូវជាតិលេខ៦ត្រង់ភូមិរហាលឃុំរហាលស្រុកព្រះនេត្រព្រះកាលពីថ្ងៃទី២២ខែកក្កដាឆ្នាំ២០២០។
មន្ត្រីនគរបាលចរាចរណ៍ស្រុកព្រះនេត្រព្រះបានឱ្យដឹងនៅថ្ងៃទី២៣ខែកក្កដាឆ្នាំ២០២០ថា៖មុនកើតហេតុមានម៉ូតូម៉ាកHONDAMSXពណ៌សស្លាកលេខបន្ទាយមានជ័យ1Q2690។អ្នកបើកបរឈ្មោះយ៉តកាន់យ៉ាភេទប្រុសអាយុ២២ឆ្នាំមានអ្នករួមដំណើរចំនួន២នាក់។ឈ្មោះអួង វិសាល ភេទប្រុសអាយុ ២២ឆ្នាំ។
និងឈ្មោះសឿតជីវិតភេទប្រុសអាយុ១៧ឆ្នាំ។
ពេលមកដល់ចំណុចកើតហេតុបានរ៉េចង្កូតទៅខាងឆ្វេងដៃក៏ស្រាប់តែមានរថយន្តម៉ាកហ៊ីយ៉ាន់ដាយ ពណ៌សពាក់ស្លាកលេខកំពង់ធំ3A2367អ្នកបើកបររថយន្តក្ដាប់អត្តសញ្ញាណមិនបានក្នុងទិសដៅបញ្ច្រាស់គ្នាទើបបណ្ដាលឱ្យរថយន្តបុកម៉ូតូបណ្តាលឱ្យកើតករណីគ្រោះថ្នាក់នេះ៕