កណ្តាល៖កម្លាំងនគរបាលក្រុងតាខ្មៅនៅថ្ងៃទី១០ ខែកញ្ញា បានស្រាវជ្រាវតាមចាប់មុខសញ្ញាលួចម៉ូតូ២នាក់ និងវត្ថុតាងនៅម្តុំផ្ទះជួល សង្កាត់ស្វាយរលំ ក្រុងតាខ្មៅត្រៀមបញ្ជូនទៅតុលាការខេត្តកណ្តាល។
ម្ចាស់ម៉ូតូឈ្មោះ ប៊ុត ភក្តី ភេទប្រុស អាយុ ២៩ឆ្នាំ ស្នាក់នៅ សង្កាត់ស្វាយរលំ ក្រុងតាខ្មៅជា ជាងសំណង់ ។បុរសដែលចាប់ខ្លួន២នាក់នោះឈ្មោះម៉ិញ លីហួ ភេទប្រុស អាយុ ១៧ឆ្នាំ និងឈ្មោះផៃ នរ:សិទ្ធ ភេទប្រុស អាយុ៤៨ឆ្នាំ អ្នកទាំងពីរនៅភូមិទួលក្រសាំង សង្កាត់រការខ្ពស់ ក្រុងតាខ្មៅ ខេត្តកណ្តាល។ក្រោយចាប់ខ្លួន កម្លាំងនគរបាលក្រុងតាខ្មៅបានកសាងសំណុំរឿងត្រៀមបញ្ជូនទៅតុលាការដើម្បី ចាត់ការតាមច្បាប់៕
