បាត់ដំបង៖គ្រោះថ្នាក់ចរាចរណ៍មួយដោយអ្នកបើកបរគោយន្តកន្ត្រៃខ្វះការប្រុងប្រយ័ត្នរេចង្កូតធ្លាក់ពីលើផ្លូវក្រឡាប់បណ្តាលឱ្យមានអ្នករងរបួសប្រមាណ១០នាក់។ហេតុការណ៍គ្រោះថ្នាក់ដោយខ្លួនឯងនេះបានកើតឡើងនៅចំណុចភូមិភ្នំព្រឹកឃុំភ្នំព្រឹកស្រុកភ្នំព្រឹកខេត្តបាត់ដំបងកាលពីរសៀលថ្ងៃទី១៥ខែកក្កដាឆ្នាំ២០២០។
មន្ត្រីនគរបាលស្រុកភ្នំព្រឹកបានឱ្យដឹងថាមុនពេលកើតហេតុអ្នកបើកបរគោយន្តកន្ត្រៃរួមដំណើរជាមួយអ្នកភូមិក្មេងចាស់ប្រុសស្រីប្រហែល១០នាក់ទៅចម្ការដោយមានឥវ៉ាន់សំពីងសំពោងផង។ពេលនោះអ្នកបើកបរបើកក្នុងល្បឿនលឿនផងហើយខ្វះការប្រុងប្រយ័ត្នលុះដល់ចំណុចកើតហេតុក៏រេចង្កូតធ្លាក់ពីលើផ្លូវក្រឡាប់តែម្តង។
បច្ចុប្បន្នអ្នករបួសត្រូវបានសមត្ថកិច្ចហៅរថយន្តពេទ្យឱ្យមកជួយបញ្ជូនទៅទៅមន្ទីរពេទ្យបង្អែកស្រុកសំពៅលូនដើម្បីជួយសង្គ្រោះអាយុជីវិត។ចំណែកគោយន្តកន្ត្រៃសមត្ថកិច្ចបានយកទៅ រក្សា ទុក នៅ ប៉ុស្តិ៍នគរបាល ឃុំ ភ្នំព្រឹក រង់ចាំ ដោះស្រាយ ពេល ក្រោយ ៕
