ភ្នំពេញ៖រថយន្តដឹកទំនិញអេតចាយ១គ្រឿងទំនងរអិលបុកទ្វារចេញមកក្រៅឃ្លាំងនិងបានឆាបឆេះយ៉ាងសន្ធោសន្ធៅសង្ស័យឆ្លងប្រព័ន្ធភ្លើង។ហេតុការណ៍នេះបង្កឱ្យមានការភ្ញាក់ផ្អើលនៅខ្លាំងស្តុកអេតចាយដ៏ធំមួយកន្លែងស្ថិតតាមបណ្តោយផ្លូវ២១៧សង្កាត់ស្ទឹងមានជ័យ១ខណ្ឌមានជ័យកាលពីរំលងអាធ្រាត្រឈានចូលថ្ងៃទី១៣ខែកក្កដាឆ្នាំ២០២០។
ប្រភពបានឱ្យដឹងថាមុនពេលកើតហេតុមានរថយន្តពាក់ស្លាកលេខភ្នំពេញ3D5486ស្ថិតនៅក្នុងឃ្លាំងដូចសព្វដង។លុះពេលកើតហេតុស្រាប់តែឮសំឡេងផ្ទុះហើយរថយន្តនោះក៏រអិលបុកខ្លោងទ្វារចេញមកខាងក្រៅឃ្លាំងបង្កឱ្យមានអណ្តាតភ្លើងឆាបឆេះយ៉ាងសន្ធោសន្ធៅ។ពេលនោះម្នាក់ៗភ័យស្លន់ស្លោរត់ទៅយកបំពងអគ្គិភ័យបាញ់អស់ជាច្រើនបំពង់ទើបរលត់ទៅវិញ។ហេតុការណ៍នេះអាចមកពីឆ្លងប្រព័ន្ធភ្លើងរថយន្ត៕
