បាត់ដំបង៖កម្លាំងនគរបាលអន្តោប្រវេសន៍ខេត្តកាលពីរសៀលថ្ងៃទី៦ខែខែកក្កដាឆ្នាំ២០២០បានឃាត់ខ្លួនជនជាតិបរទេសម្នាក់ឈ្មោះDANIELJOHNភេទប្រុសអាយុ៣៨ឆ្នាំជនជាតិអង់គ្លេស។
ខណៈពេលដែលរូបគាត់ត្រូវបានសមត្ថកិច្ចនគរបាលជំនាញរកឃើញថាកំពុងស្នាក់នៅក្នុងខេត្តបាត់ដំបងដោយមិនមានឯកសារបញ្ជាក់ពីការស្នាក់នៅស្របច្បាប់ជាប់នឹងខ្លួន។ក្នុងនោះរូបគាត់បានបង្កហិង្សាទៅលើជនជាតិបរទេសដូចគ្នាកាលពីថ្ងៃទី១ខែកក្កដាឆ្នាំ២០២០កន្លងទៅនៅសង្កាត់ស្វាយប៉ោក្រុងបាត់ដំបងខេត្តបាត់ដំបង ។
លោកដាញ់អេងប៊ុនវាន់ស្នងការរងទទួនផែនអន្តោប្រវេសន៍បានបញ្ជាក់ថាក្រោយពេលសាកសួរនិងបំពេញសំណុំឯកសារចប់សព្វគ្រប់សមត្ថកិច្ចនគរបាលបានបញ្ជូនបុរសជនជាតអង់គ្លេសរូបនេះទៅកាន់អគ្គនាយកដ្ឋានអន្តោប្រវេសន៍ក្រសួងមហាផ្ទៃ ដើម្បីអនុវត្តទៅតាមច្បាប់អន្តោប្រវេសន៍នៃព្រះ រាជាណាចក្រកម្ពុជា ៕
