ប្រទេសថៃ៖សមត្ថកិច្ចថៃបានចាប់ស្ត្រីខ្មែរម្នាក់ដែលជាពលករបម្រើការងារនៅខេត្តឈុនបុរីប្រទេសថៃពីបទឃាតកម្មដោយចេតនា។បន្ទាប់ពីស្ត្រីរូបនេះបានតាមឃើញប្តីរបស់ខ្លួនដេកក្នុងបន្ទប់ស្ត្រីម្នាក់ទៀតដែលជាពលករខ្មែរដូចគ្នា។ហេតុការណ៍នេះកើតឡើងនៅផ្លូវពោធិសាន៨/១ក្នុងឃុំណាក្លឿស្រុកបាងឡាក់មុងខេត្តឈុនបុរីប្រទេសថៃកាលពីព្រឹកថ្ងៃទី៣ខែមករាឆ្នាំ ២០២១។
ប្រភពព័ត៌មានបានឱ្យដឹងថា៖បុរសដែលស្លាប់នៅក្នុងថ្លុកឈាមមានឈ្មោះអានុនភឿកឆាយ៉ាអាយុ២៧ឆ្នាំជាអ្នករស់នៅខេត្តនគររាជសីមាព្រមទាំងមានស្នាមចាក់១កាំបិតត្រង់ក្រោមដោះខាងឆ្វេងបណ្តាលឱ្យស្លាប់ភ្លាមៗ។រីឯជនបង្កដែលជាភរិយាមានឈ្មោះវ៉ាន់ លីអាយុ២៧ឆ្នាំជាពលករខ្មែររស់នៅប្រទេសថៃ។
តាមការរៀបរាប់ពីស្ត្រីម្នាក់ឈ្មោះម៉ៃសាវអុនអាយុ២៨ឆ្នាំជាពលករខ្មែរនិងជាម្ចាស់បន្ទប់កើតហេតុបានឱ្យដឹងថាកាលពីព្រលប់មុនពេលកើតហេតុគឺរូបនាងជាមួយនិងជនរងគ្រោះព្រមទាំងមានមិត្តភក្តិផ្សេងទៀតបាននាំគ្នាទៅផឹកលេងជុំគ្នា។ក្រោយពីកម្មវិធីត្រូវបានបញ្ចប់ពួកគេក៏បានជូនមិត្តភក្តិត្រឡប់ទៅកាន់កន្លែងដេក។
ស្ត្រីដដែលបានបន្តថា៖ដោយឡែកបុរសរងគ្រោះបានប្រាប់មិត្តភក្តិថាគេមិនអាចធ្វើដំណើរទៅផ្ទះបានទេដោយសារស្រវឹងហើយនៅពេលនោះដែរនាងក៏បានក្រាលពូកនៅជ្រុងមួយនៃបន្ទប់របស់នាងដើម្បីឱ្យគេសម្រាកនៅទីនោះ។ប៉ុន្តែជាចៃដន្យនាងវ៉ាន់លីនដែលជាភរិយាបានតាមដានមកឃើញក៏បានទាញកូនកាំបិតចាក់ទៅលើស្វាមីរបស់នាងបណ្តាលឱ្យស្លាប់តែម្តង។
ភ្លាមៗនោះតម្រួតថៃបានចុះពិនិត្យទីតាំងកើតហេតុព្រមទាំងបានរកឃើញវត្ថុតាងគឺកូនកាំបិតដែលប្រលាក់ឈាមប្រវែងប្រមាណ២០សង្ទីម៉ែត្រទើបសមត្ថកិច្ចបាននាំខ្លួនស្ត្រីទាំង២រូបនេះយកទៅកាន់អធិការដ្ឋានតម្រួតស្រុកបាងឡាក់មុងដើម្បីធ្វើការសាកសួរ៕សហការី
