ភ្នំពេញ៖បុរសម្នាក់ស្ថិតក្នុងស្ថានភាពស្រវឹងបើករថយន្តតូយូតាឡិចស៊ីសLX450ពាក់ផ្លាកលេខភ្នំពេញ2I.7318ក្នុងល្បឿនលឿនជ្រុលទៅបុកអ្នកជិះម៉ូតូហុងដាឌ្រីមពាក់ផ្លាកលេខកណ្តាល1R.7396បណ្តាលឱ្យប្តីនិងប្រពន្ធស្លាប់ប្តីប្រពន្ធរងរបួសធ្ងន់។ហេតុការណ៍នេះបានកើតឡើងនៅលើកំណាត់ផ្លូវជាតិលេខ៣មុខកងពលតូចលេខ៧០ស្ថិតក្នុងភូមិព្រៃព្រីងត្បូង២សង្កាត់ចោមចៅទី២ខណ្ឌពោធិ៍សែនជ័យកាលពីយប់ថ្ងៃទី១៨ធ្នូឆ្នាំ២០២០។
សាក្សីបានឱ្យដឹងថាៈជនរងគ្រោះដែលស្លាប់ឈ្មោះសុនណង់ភេទប្រុសអាយុ៣៦ឆ្នាំនៅភូមិលេខ១ឃុំស្វាយរលំស្រុកស្អាងខេត្តកណ្តាល(ប្តី)។អ្នកដែលរងរបួសធ្ងន់ឈ្មោះយីសុខគីអាយុ៣២ឆ្នាំ(ប្រពន្ធ)។ចំណែកអ្នកបើករថយន្តបង្កឈ្មោះភិនសុផនភេទប្រុសជាមន្ត្រីយោធានៅបញ្ជាការដ្ឋានកងទ័ពជើងគោក កងឯកភាពខុន្ទកាល័យឋានន្តរស័ក្តវរសេនីយ៍ទោ។
ក្រោយពីកើតហេតុសមត្ថកិច្ចបានមកដល់កន្លែងកើតហេតុហើយក៏បាននាំអ្នកបើករថយន្តបង្កដោយមានភាពស្រវឹងទៅប៉ុស្តិ៍នគរបាលរដ្ឋបាលចោមចៅទី២ដើម្បីប្រគល់ឱ្យជំនាញចាត់ការបន្តតាមនីតិវិធី៕សហការី
