ខេត្តកំពង់ឆ្នាំង៖កាលពីព្រឹកថ្ងៃទី១៧ខែធ្នូឆ្នាំ២០២០នេះនៅភូមិត្រពាំងតាសុកឃុំព្រៃមូលស្រុករលាប្អៀរស្រាស,ស្រាថ្នាំ,មេស្រាចំនួន៥៣២កានស្មើ៣.៨៩៥លីត្រត្រូវអាជ្ញាធរខេត្តកំពង់ឆ្នាំងដុតកម្ទេចចោលក្រោយពីរកឃើញថាបង្កឱ្យមនុស្សពុលស្លាប់និងរងគ្រោះជាង១០០នាក់។ពិធីនេះធ្វើឡើងវត្តមានលោកឈួរច័ន្ទឌឿនអភិបាលខេត្តកំពង់ឆ្នាំង,មេបញ្ជាការយោធាខេត្ត,ស្នងការនគបាលខេត្តកំពង់ឆ្នាំង,មន្ត្រីក្រោមឱវាទនិងពលរដ្ឋជាច្រើនបានចូលរួម។
លោកឧត្តមសេនីយ៍ទោខូវលីស្នងការនគបាលខេត្តកំពង់ឆ្នាំងបានឱ្យដឹងថាៈស្រាដែលត្រូវចាក់ដុតកម្ទេចចោលនេះក្រោយពីមានករណីពុលស្រាដ៏ច្រើនបង្កឱ្យមនុស្សស្លាប់៨នាក់និង១៣១នាក់បានពុលហើយត្រូវបានសង្គ្រោះបន្តបន្ទាប់។លោកបានបន្តថា៖ករណីនេះអាជ្ញាធរខេត្តនិងស្ថាប័នជំនាញបានដាក់វិធានការប្រមូលស្រាស,ស្រាថ្នាំ,ពីកន្លែងផលិតនិងលក់បានចំនួន៣.៨៩៥លីត្រ។
ស្រាសមានចំនួន៥៣២កាន,មេស្រាស៧៥លីត្រ,មេតំបែ១កញ្ចប់,មេស្រារួចកន្លះលីត្រ,ស្រាច្រកដបទឹកសុទ្ធ៥៩ដប,ស្រាច្រកកែវជ័រចំនួន៨០កែវជ័រ,និងមេស្រាចំនួន២១ខាប់។ជាមួយនោះបានបិទទីតាំងលក់ចែកចាយចំនួន១,១១៥កន្លែង។ចំពោះស្រាដែលប្រជាពលរដ្ឋផឹកនេះត្រូវបានស្ថាប័នជំនាញបញ្ជាក់ថាមានលាយកើនមេតាណុលកម្រិតខ្ពស់៕សហការី
