ខេត្តពោធិ៍សាត់៖កាលពីថ្ងៃទី១៥ខែធ្នូឆ្នាំ២០២០សមត្ថកិច្ចចម្រុះបានចុះដក,កាប់និងដុតកម្ទេចចោលដើមកញ្ឆាចំនួន១.៤២៦ដើមដែលក្រុមជនល្មើសលបលួចដាំនៅព្រៃភ្នំចំណុចឃ្លាំងជីស្ថិតក្នុងភូមិសំណាញ់ ឃុំក្រពើ២ស្រុកវាលវែងខេត្តពោធិ៍សាត់។
មន្ត្រីក្នុងប្រតិបត្តិការបានឱ្យដឹងកាលពីរសៀលថ្ងៃទី១៥ខែធ្នូឆ្នាំ២០២០ថាៈការចុះកាប់ដកដុតបំផ្លាញចោលដើមកញ្ឆាជាច្រើនពាន់ដើមនេះដឹកនាំដោយលោកអ៊ឹងគឹមលាងអភិបាលរងខេត្តពោធិ៍សាត់,មានកម្លាំងនគរបាលស្រុក,ប៉ុស្តិ៍រដ្ឋបាល,កងរាជអាវុធហត្ថខេត្តស្រុក,មន្ត្រីបរិស្ថាន,អាជ្ញាធរស្រុកឃុំប្រជាការពារប្រមាណ៥០នាក់ ។
មន្ត្រីដដែលបានបន្តថាៈមុនឈានដល់ការបង្ក្រាបក្រុមសមត្ថកិច្ចបានស្រាវជ្រាវរកទីតាំងជាយូរនៅចំណុចដែលសម្បូរទៅដោយព្រៃភ្នំហើយមានស្ថានភាពលំបាកក្នុងការធ្វើដំណើរឆ្លងកាត់ព្រៃភ្នំឆ្លងអូដែលធ្វើឱ្យពួកមុខសញ្ញាជនល្មើសរត់គេចខ្លួនបាត់។សមត្ថកិច្ចបានដក,កាប់និងដុតកម្ទេចចោលដើមកញ្ឆាទាំងចំនួន១.៤២៦ដើម៕សហការី
