រាជធានីភ្នំពេញ ៖ ដោយមានការយកចិត្តទុក្ខដាក់ និងការចង្អុលបង្ហាញពី ឯកឧត្ដម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៣ ខែមិថុនា ឆ្នាំ២០២៤ លោកវរ:សេនីយ៍ឯក ទៀង ច័ន្ទសា អធិការនគរបាលខណ្ឌដូនពេញ និងភរិយាព្រមទាំងលោកអធិការរង លោកនាយរងផ្នែក មន្ត្រីផ្នែកអន្តរាគមន៍ បានចុះមកសួរសុខទុក្ខ និងនាំយកគ្រឿងឧបភោគបរិភោគ ថវិកាចំនួន ៤០០០០០រៀល (សែសិបមុឺនរៀល) ជូនដល់លោកវរសេនីយ៍ត្រី សំ សេដា នាយផ្នែកអន្តគមន៍ នៃអធិការដ្ឋាននគរបាលខណ្ឌដូនពេញ ដែលកំពុងសម្រាកព្យាបាលវះកាត់គៀបសរសៃឆ្អឹងខ្នងនៅគេហដ្ឋាន។
នាឱកាសនោះដែរ លោកវរសេនីយ៍ត្រី សំ សេដា និងក្រុមគ្រួសារ បានសម្តែងនូវសេចក្តីរំភើបពីរីករាយ ព្រមទាំងបានថ្លែងអំណរគុណចំពោះថ្នាក់ដឹកនាំគ្រប់ជាន់ថ្នាក់ ជាពិសេសឯកឧត្តម ឧត្ដមសេនីយ៍ឯក អគ្គស្នងការរង និងជាស្នងការនគរបាលរាជធានីភ្នំពេញ ដែលតែងតែគិតគូរអំពីសុខទុក្ខមន្ត្រីក្រោមឱវាទជានិច្ច គ្រប់ពេលដែលមន្ត្រីជួបគ្រោះថ្នាក់ចរាចរណ៍ ក៏ដូចជាមានជំងឺផ្សេងៗ៕
