សៀមរាបៈជនដៃដល់ដែលវាយសម្លាប់បងថ្លៃរបស់ខ្លួននៅសៀមរាប ពេលនេះចាប់ខ្លួនបានហើយ ក្រោយរត់ទៅសម្ងំលាក់ខ្លួនឯខេត្តពោធិសាត់ អស់រយៈជាង១ឆ្នាំ។ការចាប់ខ្លួននេះ បានធ្វើឡើងកាលថ្ងៃទី១៦ខែសីហា នៅក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្ត ពោធិ៍សាត់ នឹងនាំយកមកស្នងការដ្ឋាននគរបាលខេត្តសៀមរាប ដើម្បីយកទៅធ្វើត្រាប់អំពីសកម្មសម្លាប់នៅថ្ងៃទី១៧ខែសីហាឆ្នាំ២០២០។
ប៉ូលិសក្រុងសៀមរាប បង្ហាញ ថា កាលពីថ្ងៃទី១៥ ខែកក្កដា ឆ្នាំ២០១៩ មានស្ត្រីឈ្មោះសុគុណ វីឡា អាយុ៣៩ឆ្នាំរស់នៅភូមិតាគង់ សង្កាត់សំបួរ ក្រុងសៀមរាប បានមករាយការណ៍ថា ខ្លួនបានបាត់ប្តីឈ្មោះញ៉ាង វណ្ណនី អាយុ៤៣ឆ្នាំ តាំងពីខែឧសភា ឆ្នាំ២០១៩ ដោយមិនដឹងជាទៅទីណា។
ក្រោយពីទទួលដំណឹងកម្លាំងអធិការដ្ឋាននគរបាលក្រុងសៀមរាប ក៏បានជួយ ស្រាវជ្រាវ និងប្រកាសស្វែងរក។លុះដល់នៅថ្ងៃទី១៦ខែកញ្ញាឆ្នាំ២០១៩លោកនាយប៉ុស្តិ៍សង្កាត់សំបួររាយការណ៍ថា នៅភូមិតាគង់ សង្កាត់សំបួរ ក្រុងសៀមរាប មានធុំក្លិនស្អុយចេញពីពំនូកដីនៅរោងផ្ទះបាយ ឈ្មោះ ញ៉ាង់ វណ្ណនី(ស្ត្រីបាត់ប្តី)។ខណ:នោះ លោកវរសេនីយ៍ទោនួន ស័ក្តិចំរើនរិទ្ធ អធិការរង បានដឹកនាំកម្លាំង ចុះដល់ កន្លែងកើតហេតុ នឹងបានជីកគាស់ ទើបដឹងថាជាសាកសពរបស់មនុស្ស ។
ប្រភពដដែលបានបង្ហាញទៀតថា ក្រោយពេលធ្វើកោសល្យវិច្ជ័យ ទើបដឹងថា សាកសព មនុស្សស្លាប់ ដោយអំពើឃាតកម្ម ដែលជនរងគ្រោះឈ្មោះញ៉ាង វណ្ណនី ភេទប្រុស អាយុ៤៣ឆ្នាំ ជាប្តីរបស់ឈ្មោះសុគុណ វីឡា ដែលបានបាត់ខ្លួនក្នុងកំឡុងខែឧសភា ឆ្នាំ២០១៩ កន្លងទៅ ។
ពេលបន្ទាប់ ក៏បានបើកការ ស្រាវជ្រាវ នឹងបំភ្លឺសាក្សីនៅជុំវិញកន្លែងកើតហេតុ និង បានកំណត់មុខសញ្ញាជនសង្ស័យ គឺមានឈ្មោះសុគុណ ច័ន្ទតារា ភេទប្រុស អាយុ៣២ឆ្នាំ ដែលត្រូវជាប្អូនបង្កើតរបស់ឈ្មោះសុគុណ វីឡា នឹងត្រូវជាប្អូនថ្លៃជនរងគ្រោះ ដែលបានគេចខ្លួនមុនពេលសមត្ថកិច្ចយើងចុះទៅដល់កន្លែងកើតហេតុ។
នៅថ្ងៃទី១៦ ខែសីហា ឆ្នាំ២០២០ លោកវរសេនីយ៍ ទោ នួន ស័ក្តិចំរើន រិទ្ធ បានដឹកនាំកម្លាំង សហការណ៍ជាមួយកម្លាំងព្រហ្មទណ្ឌស្នងការនគរបាលខេត្តពោធិ៍សាត់ឃាត់ខ្លួនជនសង្ស័យខាងលើតែម្ត។ប្រភពបន្តថាៈ នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួនពិតជាបានវាយសម្លាប់ ជនរងគ្រោះឈ្មោះញ៉ាង វណ្ណនី នឹងចបកាប់ ចំលលាដ៍ក្បាល ចំនួន២កន្លែង វាយដៃឱ្យបាក់ រួចអូសយកសពទៅកប់នៅផ្ទះខាងក្រោយផ្ទះពិតមែន។មូលហេតុ មានទំនាស់ពេលផឹកស៊ី បណ្តាលឱ្យក្លាយជាគំនុំ។
ជនសង្ស័យ ត្រូវបាន បញ្ជូនទៅតុលាការ នៅថ្ងៃទី១៧ ខែសីហាឆ្នាំ២០២០ និងត្រូវបានតុលាការឃុំខ្លួនតាមដីកាលេខ១០៦៦/២០២០៕