ខេត្តស្វាយរៀង៖កម្លាំងកងរាជអាវុធហត្ថខេត្តស្វាយរៀងបានចុះបង្ក្រាបក្រុមអ្នកលេងល្បែងជលមាន់ឃាត់ខ្លួន៩នាក់ដកហូតមាន់ជល់១៧ក្បាលនិងប្រាក់ដុល្លារក្លែងក្លាយព្រមទាំងម៉ូតូ៤គ្រឿង រថយន្ត១គ្រឿង និងលុយខ្មែរជិត៥លានរៀល។ការឃាត់ខ្លួនបានធ្វើឡើងនៅភូមិស្វាយក្ងោ ឃុំស្វាយជ្រំ ស្រុកស្វាយជ្រំខេត្តស្វាយរៀងកាលពី ថ្ងៃទី១៤ ខែមិថុនាឆ្នាំ២០២០ ។
មន្ត្រីអាវុធហត្ថស្រុកស្វាយជ្រំបានឱ្យដឹងថាជនសង្ស័យទាំង៩នាក់រួមទី១៖ឈ្មោះយិនសាតភេទប្រុសអាយុ៥១ឆ្នាំរទី២៖ ឈ្មោះ ស៊ិន ឡានី ភេទប្រុសអាយុ៥៥ឆ្នាំទី៣៖ ឈ្មោះសុខសាវីភេទប្រុសអាយុ៤៨ឆ្នាំទី៤៖ ឈ្មោះ ចាន់ហាត់ភេទស្រី អាយុ៥១ឆ្នាំ។ទី៥៖ឈ្មោះព្រំចិន្តាភេទប្រុសអាយុ៥៣ឆ្នាំទី៦៖ ឈ្មោះឈួនចឹកភេទប្រុសអាយុ៥២ឆ្នាំទី៧៖ឈ្មោះសោម យ៉ាកភេទប្រុសអាយុ៣២ឆ្នាំទី៨៖ឈ្មោះវ៉ាគុណភេទប្រុសអាយុ៤៣ឆ្នាំនិងទី៩៖ឈ្មោះទងវណ្ណះភេទប្រុសអាយុ៣៨ឆ្នាំរស់នៅភូមិប្រធាតុឃុំប្រធាតុស្រុកកំពង់ត្របែក ខេត្តព្រៃវែង។
ចំពោះវត្ថុតាងដកហូតបានរួមមាន៖ម៉ូតូចំនួន៤គ្រឿងរថយន្ត១គ្រឿងនិងមាន់ចំនួន១៧ក្បាលប្រាក់ដុល្លារក្លែងក្លាយចំនួន៥.៦០០ដុល្លារប្រាក់ដុល្លារពិតចំនួន២៩០ដុល្លារប្រាក់រៀលចំនួន៦.៤៨៥.០០០
រៀលនិងជញ្ជីងចំនួន១។ក្រោមបញ្ជាផ្ទាល់ពីលោកសែវុទ្ធីមេបញ្ជាការកងរាជអាវុធហត្ថខេត្តស្វាយរៀង។
បច្ចុប្បន្នជនញៀនល្បែងប្រុសស្រីទាំង៩នាក់ព្រមទាំងវត្ថុតាងបានបញ្ជូនមកទីបញ្ជាការដ្ឋានកងរាជអាវុធហត្ថស្រុកស្វាយជ្រំ ដើម្បីកសាងនីតិវិធីតាមច្បាប់៕