បន្ទាយមានជ័យ៖គ្រោះថ្នាក់ចរាចរណ៍ដោយរថយន្តបុកម៉ូតូបណ្តាលឱ្យបុរសចំណាស់ជាប្តីនិងប្រពន្ធរងរបួសធ្ងន់។ហេតុការណ៍នេះបានកើតឡើងនៅក្នុងទីប្រជុំជនលើកំណាត់ ផ្លូវជាតិលេខ៥ ស្ថិតនៅ ភូមិសូរិយាថ្មី ឃុំកូប ស្រុកអូរជ្រៅ ខេត្តបន្ទាយមានជ័យកាលពីរសៀលថ្ងៃទី២៩ ខែឧសភា ឆ្នាំ២០២០ ។
មន្ត្រីនគរបាលស្រុកអូរជ្រៅបានឱ្យដឹងថា៖ជនរងគ្រោះ២នាក់ប្តីប្រពន្ធមានឈ្មោះ ស្មឿន ចំរើន ភេទប្រុស អាយុ៨៥ឆ្នាំ និងប្រពន្ធមានឈ្មោះ ងុន សឿង ភេទស្រី អាយុ ៦១ឆ្នាំរស់នៅ ភូមិធ្មេញត្រី ឃុំសំរោង ស្រុកអូរជ្រៅ ខេត្តបន្ទាយមានជ័យ។មុនពេលកើតហេតុនោះ គាត់បានជិះម៉ូតូម៉ាកហុងដា ឌ្រីម សេ១២៥ ស៊េរី ០១៥ ពាក់ស្លាកលេខ ភ្នំពេញ1FK8167បានឌុបគ្នាមកពីទិសខាងកើតទៅលិច។
ពេលជិះមកដល់ចំណចុចន្លោះបង្គោលគីឡូម៉ែត្រលេខ៣៧២-៣៧៣ បានបត់ឆ្វេងមិនបានមើលឆ្វេងស្តាំ ។ស្របពេលនោះមានរថយន្តម៉ាក ស៊ីណា ពណ៌ទឹកមាសពាក់ស្លាកលេខបាត់ដំបង.2B9679បើកក្នុងល្បឿនលឿនពីកើតទៅលិចស្របទិសគ្នាបុកម៉ូតូពេញទំហឹងបណ្តាលឱ្យរបួសធ្ងន់ ។
ជនរងគ្រោះត្រូវនគរបាលចរាចរណ៍និងអ្នកសង្គ្រោះដឹកទៅសង្គ្រោះព្យាបាលនៅមន្ទីរពេទ្យខេត្តមិត្តភាពកម្ពុជា ជប៉ុនមង្គលបូរីឯ អ្នកបើករថយន្តបានរត់គេចខ្លួនបាត់ ។ចំពោះមូលហេតុនៃគ្រោះថ្នាក់នគរបាលចរាចរណ៍ថាបណ្តាលមកពីជនរងគ្រោះបើកម៉ូតូពេលប្តូរទិស មិនបានប្រយ័ត្ន។ចំណែករថយន្ត បើកបរក្នុងល្បឿនលឿន៕