ព្រះវិហារ៖លោកឡុងសុវណ្ណប្រធានក្រុមប្រឹក្សាខេត្តបានស្នើដល់ប្រជាពលរដ្ឋឱ្យលើកឡើងអំពីទុក្ខលំបាកក៏ដូចជាកី្តកង្វល់។ពលរដ្ឋត្រូវសំណូមពរនិងដាក់សំណួរជាលក្ខណៈសហគមន៍ឬបុគ្គលដែលបានជួបប្រទះក្នុងជីវភាពរស់នៅមកកាន់អង្គវេទិការដើម្បីរួមគ្នាពិភាក្សាដោះស្រាយជាមួយអាជ្ញាធរដែនដីនិងមន្ទីរពាក់ព័ន្ធដែលបានអញ្ជើញចូលរួមក្នុងអង្គវេទិការនាពេលនេះ ។
លោកប្រធានក្រុមប្រឹក្សាខេត្តមានប្រសាសន៍ក្នុងពេលដែលលោកបានអញ្ជើញជាអធិបតីក្នុងវេទិការផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្ត ដែលបានប្រារព្ធធ្វើឡើងស្ថិតក្នុងភូមិឆែបកើត ឃុំឆែបមួយ ស្រុកឆែប ខេត្តព្រះវិហារកាលពីថ្ងៃទី២៣ ខែតុលា ឆ្នាំ២០២០។
ក្នុងឱកាសនោះលោកលោកឡុងសុវណ្ណបានថ្លែងថាៈបានជម្រុញដល់អាជ្ញាធរដែនដីនិងមន្ទីរពាក់ព័ន្ធទាំងអស់ត្រូវរួមគ្នាបន្តខិតខំពន្យល់និងដោះស្រាយរាល់បញ្ហារបស់បងប្អូនឱ្យបានឆាប់រហ័សតាមតែអាចធ្វើទៅបានដើម្បីចៀសវាងនៅរឿងរ៉ាវកើតឡើងដដែលៗ។លើកឡើងជាចំណូមពរនិងក្តីកង្វល់របស់បងប្អូននាពេលនោះរួមមានបញ្ហាដីធ្លីដែរកើតមានក្នុងស្រុកឆែបមានទីតាំងផ្សេងៗគ្នាដែលមានដូចជាបញ្ហាដីធ្លី។
លោកស៊ូសិរីអភិបាលរងខេត្តបានផ្តាំផ្ញើដល់អាជ្ញាធរដែនដីនិងមន្ត្រីពាក់ព័ន្ធមិនត្រូវចុះហត្ថលេខាឬផ្តិតមេដាយទទួលស្គាល់លើការំលោភឫកាប់ទន្ទ្រានដីព្រៃតំបន់ហាមឃាត់ដូចជាដីព្រៃសហគមន៍ឬជាដីព្រៃរបស់រដ្ឋជាដើម។លោកបានប្រកាសឱ្យប្រជាពលរដ្ឋបញ្ឈប់ជាបន្ទាន់នៅការកាប់ទន្ទ្រានដីព្រៃសហគមន៍ក្រសាំងស្ថិតនៅតាមបណ្តាយផ្លូវជាតិជាប់ និងព្រំប្រទល់ខេត្តស្ទឹងត្រែង ៕សហការី
