ព្រះវិហារ៖កម្លាំងនគរបាលខេត្តព្រះវិហារ បានឃាត់ខ្លួនប្រុសស្រីចំនួន៩នាក់ ពាក់ព័ន្ធលេងល្បែងស៊ីសងខុសច្បាប់ និងបញ្ជូនទៅតុលាការដើម្បីបន្តនីតិវិធី។
មន្ត្រីនគរបាលខេត្តបានឱ្យដឹងថា កាលពីថ្ងៃទី២ខែវិច្ឆិកាឆ្នាំ២០២៣ កម្លាំងជំនាញបានឃាត់ខ្លួនប្រុសស្រីចំនួន៩នាក់ នៅភូមិស្រអែមខាងជើង ឃុំស្រអែម ស្រុកជាំក្សាន្ត ខេត្តវិហារករណីលេងល្បែងស៊ីសងខុសច្បាប់ រួចយកទៅស្នងការដ្ឋាននគរបាលខេត្តដើម្បីសាកសួរ។
ពេលឃាត់ខ្លួនសមត្ថកិច្ចដកហូតវត្ថុតាងមាន គ្រាប់ខ្លាឃ្លោកចំនួន៥២គ្រាប់-ចានសម្រាប់ក្រឡុកខ្លាឃ្លោកចំនួន៦-តេឡេបញ្ជាមេអាប៉ោង៣-បៀរ២ហ៊ូ-ទូរសព្ទដៃ៨គ្រឿង-ម៉ូតូ៧គ្រឿងនិងសម្ភារល្បែងមួយចំនួនទៀត។ក្រោយពីសាកសួរផ្នែកជំនាញបានកសាងសំណុំរឿងបញ្ជូនទាំង៩នាក់និងវត្ថុតាងទៅតុលាការចាត់ការតាមច្បាប់ ៕
