រថយន្ត២គ្រឿងសាកកំលាំងគ្នាច្ទេចមុខទាំងសងខាង របួសម្នាក់

ភ្នំពេញ៖រថយន្ត២គ្រឿងម៉ាកធុនដ្រាបានបុកជាមួយរថយន្តកូរ៉េពេញទំហឹងបណ្តាលឱ្យមនុស្សម្នាក់ខ្ទាតចេញក្រៅរថយន្តរងរបួសធ្ងន់។
សមត្ថបានឱ្យដឹងថា នៅរំលងអធ្រាត្រចូលថ្ងៃទី១៣ ខែធ្នូមានគ្រោះថ្នាក់ចរាចរណ៍មួយ រវាងរថយន្តកូរ៉េ ម៉ាក FORLANG ពណ៌ស ពាក់ផ្លាកលេខភ្នំពេញ 2AI-0960 មានអ្នករួមដំណើរពី៤ទៅ៥នាក់ ។រថយន្តនេះបើកបំពានភ្លើងស្តុបបានបុកជាមួយរថយន្តធុនដ្រាផ្លាកលេខ ភ្នំពេញ 2BL-7923 ពេញទំហឹងហើយមានមនុស្សម្នាក់ខ្ទាតចេញក្រៅរថយន្តរងរបួសធ្ងន់។
ករណីនេះបានកើតឡើងនៅ ស្តុបស្ពានអាកាសផ្សារដីហុយ ក្នុងសង្កាត់ អូរបែកក្អម ខណ្ឌសែនសុខ។ក្រោយពេលកើតហេតុ សមត្ថកិច្ចបានចុះវាស់វែង ស្ទូចយករថយន្តទាំង២គ្រឿងទៅរក្សាទុក នៅការិយាល័យចរាចរណ៍ផ្លូវគោក រាជធានីភ្នំពេញ ដើម្បីរង់ចាំដោះស្រាយ តាម ក្រោយ៕