បាត់ដំបង៖ពេលមេឃកំពុងធ្លាក់ភ្លៀងលាយឡំជាមួយខ្យល់កន្រ្តាក់ រន្ទះបានបាញ់ចំគោ បណ្តាលឱ្យងាប់២ក្បាលនៅកណ្តាលវាលស្រែក្នុងស្រុកបាណន់។
មន្ត្រីមូលដ្ឋានបានឱ្យដឹងថា កាលពីរសៀលថ្ងៃទី២០ ខែមិថុនាឆ្នាំ២០២៣ ពេលមេឃកំពុងធ្លាក់ភ្លៀងរន្ទះបានបាញ់ចំគោមេចំនួន២ក្បាលឱ្យងាប់ នៅកណ្តាលវាលស្រែ ត្រង់ម្តុំសួង ស្ថិតក្នុងភូមិសំរោង ឃុំស្នឹង ស្រុកបាណន់ ខេត្តបាត់ដំបង។
មន្ត្រីដដែលបានឱ្យដឹងទៀតថា នៅតាមបណ្តាស្រុកមួយចំនួនក្នុងខេត្តបាត់ដំបងមានភ្លៀងធ្លាក់ជាច្រើន។ក្នុងនោះក៏មានស្រុកបាណន់បានរងសម្ពាធឥទ្ធិពលភ្លៀងនិងខ្យល់កន្ត្រាក់រួមជាមួយផ្គររន្ទះ។
រន្ទះបានបាញ់ចំសត្វគោមេចំនួន២ក្បាលបណ្តាលឱ្យងាប់ដែលម្ចាស់ឈ្មោះ រី ចិន្តាអាយុ៤៤ឆ្នាំនៅក្រុមទី៤ ភូមិសំរោង ឃុំស្នឹង ស្រុកបាណន់ ខេត្តបាត់ដំបង។ករណីគ្រោះធម្មជាតិនេះមិនបង្កឱ្យមានគ្រោះថ្នាក់ដល់មនុស្សទេ៕
