ក្រចេះ៖កម្លាំងមន្ត្រីជលផលដឹកនាំដោយលោកម៉ុកពន្លកនាយខណ្ឌរដ្ឋបាលជលផលក្រចេះកាលពីថ្ងៃទី១៨ខែតុលាឆ្នាំ២០២០បានសហការជាមួយកម្លាំងអាជ្ញាធរចុះបង្ក្រាបបទល្មើសជលផលនៅបឹងប្រាំងឃុំកញ្ជរស្រុកឆ្លូងខេត្តក្រចេះដោយរឹបអូសបានវត្ថុតាងមួយចំនួនធំ។
លោកម៉ុកពន្លកបានឱ្យដឹងថាៈការបង្ក្រាបបទល្មើសនរសាទនេះគឺបានរុះរើនិងដកហូតបានរបាំងស្បៃមុងចំនួន២១ខ្សែ ប្រវែងប្រមាណជា១.៣០០ម,លូស្បៃមុងចំនួន ២១មាត់លូ, របាំងសាច់អួននីឡុងក្រលាញឹក ៣ខ្សែ ប្រវែងប្រមាណជា២០០ម, លបសាច់អួនក្រលាញឹកចំនួន ៣គ្រឿង, បង្គោលចម្រឹងឫស្សី ៣១៥ដើម, ចាក់លែងត្រីចម្រុះចូលបឹងធម្មជាតិប្រមាណ ៧០គក្រ។
លោកនាយខណ្ឌបានបញ្ជាក់ទៀតថាៈវត្ថុតាងមួយចំនួនត្រូវសមត្ថកិច្ចចម្រុះធ្វើការបំផ្លាញចោលនៅនិងកន្លែង។ដោយឡែករបាំងស្បៃមុងនិងសាច់អួនក្រឡាញឹកបានដឹកយកទៅថែរក្សាទុកនៅផ្នែករជផ ព្រែកប្រសព្វ ដើម្បីទុកជូនអាជ្ញាធរមូលដ្ឋាន និងប្រជាពលរដ្ឋយកទៅប្រើប្រាស់ក្នុងការងារកសិកម្ម នៅពេលមានការស្នើសុំ៕សហការី