ចាប់ជនសង្ស័យ២នាក់ ពាក់ព័ន្ធករណីឆក់ទូរសព្ទជនបរទេស

ភ្នំពេញ៖កម្លាំងគរបាលខណ្ឌដូនពេញ បានឃាត់ខ្លួនជនសង្ស័យ២នាក់ ពាក់ព័ន្ធករណីឆក់ទូរសព្ទជនបរទេស នៅសង្កាត់ជ័យជំនះ ខណ្ឌដូនពេញ កាលពីរំលងអធ្រាត្រចូលថ្ងៃទី១៨ ខែមេសា។
សមត្ថកិច្ចបានឱ្យដឹងថា មុខសញ្ញាចោរជិះម៉ូតូឆក់ទ្រព្យសម្បត្តិតាមទីសាធារណចំនួន២នាក់ ត្រូវកម្លាំងជំនាញ បានឃាត់ខ្លួនជាមួយវត្ថុតាងយកទៅសាកសួរតាមនីតិវិធី។ជនសង្ស័យឈ្មោះ ងិន រតនៈ អាយុ២០ឆ្នាំនៅភូមិដើមស្លែង ខណ្ឌច្បារអំពៅ ជាបុគ្គលិកក្រុមហ៊ុន។ឈ្មោះ ថុន រស្មី អាយុ១៧ឆ្នាំនៅភូមិសង្កាត់ជាមួយគ្នា។
ចំណែកម្ចាស់ទូរសព្ទ ឈ្មោះ MANIN DER SINGH អាយុ២៣ឆ្នាំជនជាតិឥណ្ឌា ស្នាក់នៅ ANOKOMAS Hotel សង្កាត់ផ្សារកណ្តាល២ ខណ្ឌដូនពេញអ្នករកស៊ី។បច្ចុប្បន្នជនសង្ស័យទាំង២នាក់ខាងលើ ត្រូវសមត្ថកិច្ចបានកសាងសំណុំរឿងដើម្បីបញ្ជូនបន្ត៕