(ភ្នំពេញ) ទីបំផុតសារព័ត៌មាន VOD បានសម្រេចសូមទោស សម្ដេចតេជោ ហ៊ុន សែន នាយករដ្ឋមន្ត្រីកម្ពុជា និងលោកបណ្ឌិត ហ៊ុន ម៉ាណែត ចំពោះកំហុសឆ្គងនៃការផ្សាយរបស់ខ្លួន។ ប៉ុន្តែអ្វីៗហួសពេលអស់ទៅហើយ សម្ដេចតេជោ ហ៊ុន សែន មិនប្រែការសម្រេចចិត្តវិញនោះឡើយ គឺនៅតែរក្សាសម្រេចចិត្តពីពេលល្ងាចថ្ងៃទី ១២ ខែកុម្ភៈ លុបអាជ្ញាប័ណ្ណសារព័ត៌មាន នេះលេងឲ្យដំណើរការ ។
លិខិតសូមទោសរបស់ VOD បានធ្វើឡើងនៅរំលងអាធ្រាតឈានចូលថ្ងៃទី ១៣ ខែកុម្ភៈ។ សម្ដេចតេជោ បានសម្ដែងចម្ងល់ថា យើងពិតជាមិនមែនកូនក្មេងបៀមដៃនោះ
ឡើយ។
ហេតុអ្វីមិនសូមទោសពីល្ងាចនិងមកសូម
ទោសពេលយប់ជ្រៅក្រោយម៉ោង១២យប់ទៅវិញ?
សម្ដេចតេជោ បានបញ្ជាក់ដូច្នេះ “តើឈឺ
ណាស់ទៅឬក្រោយត្រូវមួយកំភ្លៀង?
មុនត្រូវមួយកំភ្លៀងគិតណាស់រឿង
កិត្តិយសសូម្បីពាក្យសូមទោសមួយម៉ាត់
មិនហ៊ាននិយាយផងតែក្រោយត្រូវមួយ
កំភ្លៀងបែរជាភ្លេចអស់កិត្តិយសមកសូម
ទោសជាងពាក់កណ្តាលអាធ្រាតទៅវិញ។
សម្ដេចតេជោបន្ថែមថា”ខ្ញុំហ៊ុន សែននាយករដ្ឋមន្ត្រីនៃកម្ពុជាមិន
ផ្លាស់ប្តូរការសម្រេចចិត្តបិទចោលវិទ្យុ
វីអូឌីនោះឡើយ”។
សម្ដេចតេជោ បានណែនាំស្ថាបន័មានសមត្ថកិច្ចត្រូវអនុវត្តភារកិច្ចដូចដែលបានប្រគល់កាលពីល្ងាចថ្ងៃ១២កុម្ភៈ២០២៣ដោយគ្មានការកែប្រ។
សម្ដេចតេជោ ប្រាប់ទៅបុគ្គលិកបម្រើការងារនៅស្ថាប័ននេះ សម្រាប់បងប្អូនដែលបាត់បង់ការងារត្រូវបន្ទោសមេដឹកនាំបងប្អូនឬប្រទេសម្ជាស់លុយដែលកសាងកំហុសតាំងពីការផ្សាយព័ត៌មានមូលបង្កាច់រហូតដល់ល្ងង់មិនចេះទទួលខុសត្រូវលើការសូមទោសធ្វើឲ្យបងប្អូនបាត់បង់ការងារធ្វើ៕
