បាត់ដំបងៈកម្លាំងនគរបាលប្រឆាំងគ្រឿងញៀនខេត្តកាលពីព្រឹកថ្ងៃទី៣ខែតុលាឆ្នាំ២០២០ បានបញ្ជូនជនសង្ស័យ បីនាក់ និងវត្ថុតាងមួយចំនួន ទៅតុលាការករណីជួញដូគ្រឿងញៀន។ក្រុមនេះ ក្រោយពេល នគរបាលបានឃាត់ខ្លូននៅចំណុចភូមិកំពង់ឆ្លង ឃុំឈើទាល ស្រុកបាណន់ ខេត្តបាត់ដំបង កាលពីរសៀលថ្ងៃទី១ខែតុលា។
មន្ត្រីនគរបាលប្រឆាំងគ្រឿងញៀនខេត្ត បានឱ្យដឹងថាៈ ជនសង្ស័យប្រុសទាំង បីនាក់ មានៈ ១.ឈ្មោះ លឹម ផៃយ៉ា អាយុ១៩ឆ្នាំ, ២.ឈ្មោះ ស៊ន ពិលាន ហៅ កុយ អាយុ២៦ឆ្នាំ និង៣.ឈ្មោះ ហ៊ាង ភក្តី ហៅ វីន អាយុ២៥ឆ្នាំ។ ទាំងបីនាក់ រស់នៅភូមិកំពង់ឆ្លង ឃុំឈើទាល ស្រុកបាណន់ ។ ចំណែកវត្ថុតាង ដែលចាប់យកបាន មានថ្នាំញៀនប្រភេទ មេតំហ្វេតាមីន (ម៉ាទឹកកក ICE) ចំនួន៤ថង់ ទម្ងន់ ២,០២ ក្រាម ទូរស័ព្ទដៃ ១គ្រឿង កាំបិត១ដើម និងដំបងឫស្សី ១កំណាត់ ។
ជនសង្ស័យទាំង បីនាក់ ក្រោយសារភាពរួចមក កម្លាំងជំនាញ រៀបចំសំណុំរឿង បញ្ជូនទៅតុលាការដើម្បីចាត់ការ តាមនីតិវិធីច្បាប់ ៕សហការី