ខេត្តព្រះសីហនុ៖កម្លាំងនគរបាលក្រសួងមហាផ្ទៃសហការជាមួយកម្លាំងនគរបាលខេត្តព្រះសីហនុនិងនគរបាលខេត្តកំពង់ស្ពឺបានស្ទាក់ចាប់ជនសង្ស័យពាក់ព័ន្ធបទល្មើសបង្ខាំងមនុស្សធ្វើទារុណកម្មជំរឹតទាប្រាក់បានចំនួន៤នាក់រយៈពេល២ថ្ងៃគឺយប់ថ្ងៃទី៧និងរសៀលថ្ងៃទី៨ខែមិថុនាឆ្នាំ២០២០។
លោកឧត្តមសេនីយ៍ទោជួនណារិន្ទស្នងការនគរបាលខេត្តព្រះសីហនុបានដឹងឱ្យដឹងថាករណីចាប់បង្ខាំងមនុស្សធ្វើទារុណកម្មជំរិតទារប្រាក់បង្កដោយជនជាតិចិននិងជនជាតិចិនកើតមានតាំងពីថ្ងៃទី៥ខែមិថុនាឆ្នាំ២០២០វេលាម៉ោង១១ថ្ងៃត្រង់។រហូតដល់ថ្ងៃទី៨ខែមិថុនាឆ្នាំ២០២០វេលាម៉ោង២រសៀលទើបចាប់ខ្លួនបានចំនួន៤នាក់និងបានរំដោះជនរងគ្រោះរួចផុតពីគ្រោះថ្នាក់មនេះ។
លោកឧត្តមសេនីយ៍ស្នងការបានបន្តថាកម្លាំងនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តព្រះសីហនុបានទទួលបណ្តឹងពីឈ្មោះTangXinJueភេទប្រុសអាយុ៤១ឆ្នាំជនជាតិចិនថានៅថ្ងៃទី៥ខែមិថុនាឆ្នាំ២០២០វេលាទៀបភ្លឺថាមិត្តភក្តិរបស់គាត់(ជនរងគ្រោះ)ឈ្មោះWangWenXingភេទប្រុសត្រូវបានក្រុមជនជាតិចិនមួយក្រុមចាប់យកទៅបង្ខាំងទុកនៅទីកន្លែងមួយ។
បន្ទាប់មកក្រុមជនសង្ស័យបានប្រើគណនីវីឆាតរបស់ជនរងគ្រោះឈ្មោះWangWenXingមកប្រពន្ធជនរងគ្រោះនៅប្រទេសចិនជំរិតទារប្រាក់ចំនួន៥០០.០០០Yuanជាការដោះដូរជាមួយជនរងគ្រោះបើមិនព្រមវេរលុយឱ្យទេ ពួកវានឹងសម្លាប់ចោល ។
ករណីនេះជំហានដំបូងសមត្ថកិច្ចចាប់ជនសង្ស័យបានចំនួន២នាក់ជនជាតិចិននៅតាមបណ្តោយផ្លូវជាតិលេខ៤ទីរួមខេត្តកំពង់ស្ពឺនៅយប់ថ្ងៃទី៧ខែមិថុនាឆ្នាំ២០២០ខណៈជនសង្ស័យជិះរថយន្ត១គ្រឿងម៉ាកHighLanderពណ៌ទឹកប្រាក់ស្លាកលេខភ្នំពេញ2AN4020។បានដកហូតយកវត្ថុតាងទូរស័ព្ទចំនួន៣គ្រឿងក្នុងនោះមានទូរស័ព្ទ១គ្រឿងជារបស់ជនរងគ្រោះនិងស៊ីមកាតចំនួន២ជាមធ្យោបាយជំរិតទារប្រាក់។
បន្ទាប់មកសមត្ថកិច្ចជំនាញនគរបាលខេត្តនិងកម្លាំងអន្តរាគមន៌ពិសេសបន្តធ្វើការស្រាវជ្រាវរំដោះជនរងគ្រោះទាំងយប់ក្នុងស្ថានភាពដៃទាំងសងខាងមានជាប់ខ្សែស៊ីលនិងមានខ្សែចងកជាប់ខ្លួននៅចំណុចពយថ្មយក្សក្នុងព្រៃជាប់មាត់សមុទ្រ។ឃ្លាតពីផ្លូវសម្តេចសង្ឃ២គីឡូម៉ែត្រស្ថិតនៅភូមិ១ឃុំទំនប់រលក ស្រុកស្ទឹងហាវ ខេត្តព្រះសីហនុ។
ពេលនោះជនសង្ស័យចំនួន២នាក់ដែលនៅយាមជនរងគ្រោះបានដឹងខ្លួនមុនក៏រត់គេចខ្លួនចូលក្នុងព្រៃជ្រៅស្របពេលមេឃកំពុងភ្លៀងខ្លាំងតែកម្លាំងសមត្ថកិច្ចនៅតែបន្តរុករកយ៉ាងសកម្ម។រហូតដល់រសៀលថ្ងៃទី៨ខែមិថុនាឆ្នាំ២០២០ទើបសមត្ថកិច្ចចាប់ខ្លួនបានជនសង្ស័យចំនួន២នាក់ទៀតកំពុងសម្ងំលាក់ខ្លួនក្នុងព្រៃ នៅចំណុចពយថ្មយក្ស ។
ជនរងគ្រោះឈ្មោះWangWenXingភេទប្រុសអាយុ៣៩ឆ្នាំជនជាតិចិនមានស្រុកកំណើតខេត្តហ៊ូណាន ប្រទេសចិនមុខរបររកស៊ីស្នាក់នៅភូមិ១សង្កាត់២ក្រុង-ខេត្តព្រះសីហនុ។ជនគ្រោះរងរបួសស្នាមត្រង់ភ្នែក,ដៃ,ជើងនិងពេញខ្លួនប្រាណធ្ងន់ធ្ងរ ដោយអំពើធ្វើទារុណកម្ម។
ជនសង្ស័យចំនួន៤នាក់នោះ១.ឈ្មោះWeiShunChengភេទប្រុសអាយុ២៧ឆ្នាំជនជាតិចិនមានស្រុកកំណើតខេត្តសានស៊ីប្រទេសចិន។២.ឈ្មោះTengJiaLiangភេទប្រុសអាយុ២៩ឆ្នាំជនជាតិចិនមានស្រុកកំណើតខេត្តGuang Xi ប្រទេសចិន ។៣.ឈ្មោះ Song XiaLing ភេទប្រុស អាយុ៣៤ឆ្នាំ ជនជាតិចិន មានស្រុកកំណើតខេត្តអានហ៊ួយប្រទេសចិន។៤.ឈ្មោះZhangYiBoភេទប្រុសអាយុ២៦ឆ្នាំជនជាតិចិន មានស្រុកកំណើតខេត្តហ៊ឺណាន ប្រទេសចិន។
វត្ថុតាងចាប់យកបាន៖ទូរស័ព្ទចំនួន ៣គ្រឿង១គ្រឿងម៉ាកHuaWei ពណ៌ខៀវ របស់ជនរងគ្រោះ , ១គ្រឿងម៉ាកi-Phone ពណ៌ទឹកមាស , និង១គ្រឿងទៀតម៉ាក HuaWei ពណ៌ខៀវស៊ីមកាតចំនួន ២ ជាមធ្យោបាយជំរិតទារប្រាក់។ខ្សែស៊ីល២ខ្សែចងដៃជនរងគ្រោះ,ខ្សែពួរចងកភ្ជាប់ជាមួយជើងជនរងគ្រោះ,ស្កុតរុំដៃជនរងគ្រោះ,រថយន្ត១គ្រឿងម៉ាក HighLander ពណ៌ទឹកប្រាក់ ស្លាកលេខៈ ភ្នំពេញ 2AN-4020ជាមធ្យោបាយចាប់ជនរងគ្រោះ។
ករណីនេះកម្លាំងជំនាញនៃស្នងការដ្ឋាននគរបាលខេត្តព្រះសីហនុ កំពុងបន្តនិវិធី បញ្ជូនជនសង្ស័យ និងវត្ថុតាង ទៅតុលាការដើម្បីចាត់ការតាមច្បាប់៕