បាត់ដំបង៖ នៅល្ងាចថ្ងៃសុក្រ ១១កើត ខែកក្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី៤ ខែវិច្ឆិកា ឆ្នាំ២០២២មានគ្រោះអគ្គិភ័យមួយបានកេីតឡេីងក្នុងឃ្លីបកម្សាន្តមួយកន្លែងឈ្មោះ LOLស្ថិតក្នុងភូមិ២០ឧសភាសង្កាត់ស្វាយប៉ោក្រុងបាត់ដំបងខេត្តបាត់ដំបង ។
ភ្លាមៗលោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបងបានបញ្ជាដឹកនាំផ្ទាល់នៅកន្លែងកេីតហេតុ ដោយមាន លោកស្នងការរងផែនការងារអគ្គីភ័យ និងលោកស្នងការរងទទួលបន្ទុកផ្ទាល់បានដឹកនាំកម្លាំងការិយាល័យអគ្គិភ័យ កម្លាំងអន្តរាគមន៍ និងកម្លាំងនគរបាលចរាចរណ៍នៃស្នងការ រួមជាមួយលោកអភិបាលក្រុងបាត់ដំបងកងកម្លាំងនគរបាលក្រុងបាត់ដំបង កម្លាំងមូលដ្ឋានកងរាជអាវុធហត្ថខេត្ត និងកងកម្លាំងយោធភូមិភាគទី៥ បានរួមគ្នាធ្វើការពន្លត់អគ្គិភ័យនេះដោយប្រើប្រាស់រថយន្តពន្លត់អគិ្គភ័យនៃស្នងការនគរបាលខេត្តបាត់ដំបងចំនួន០៤គ្រឿង ទេីប គ្រប់គ្រងស្ថានការណ៍ អគ្គីភ័យនេះបានទាំងស្រុង។
ចំពោះគ្រោះអគ្គិភ័យនេះមិនបានបណ្តាលឱ្យមានគ្រោះថ្នាក់ដល់មនុស្សនោះឡេីយ ហេីយចំពោះមូលហេតុដែលនាំបង្កជាគ្រោះអគ្គិភ័យនេះនិងទំហ៊ំនៃការខូចខាតសមត្ថកិច្ចកំពុងធ្វេីការស្រាវជ្រាវនៅឡេីយ៕
