សៀមរាប: សមត្ថកិច្ចនគរបាលបានបញ្ជូនជនសង្ស័យម្នាក់ទៅតុលាការជាមុខសញ្ញាឆក់ក្នុងក្រុងសៀមរាបនិងវត្ថុតាងម៉ូតូដែលជិះក្នុងការធ្វើសកម្មភាពឆក់នាពេលកន្លងមក។ករណីឃាត់ខ្លួនជនសង្ស័យនេះបានធ្វើឡើងនៅផ្ទះរបស់ជនសង្ស័យក្នុងភូមិតាភុលសង្កាត់ស្វយដង្គំក្រុង/ខេត្តសៀមរាបកាលពីរសៀលថ្ងៃទី១១ខែកញ្ញាឆ្នាំ២០២០។
មន្ត្រីនគរបាលក្រុងសៀមរាបបានឱ្យដឹងថាៈជនសង្ស័យគឺជាមុខសញ្ញាចាស់សកម្មខាងឆក់កាបូបនិងទ្រព្យសម្បត្តិរួមនិងប្រើប្រាស់នូវសារធាតុញៀនទៀត។មន្ត្រីដដែលបានបន្តថា ជនសង្ស័យមានឈ្មោះមឿសាម៉ាចភេទប្រុសអាយុ២៦ឆ្នាំរស់នៅភូមិតាភុល សង្កាត់ស្វាយដង្គំ ក្រុងសៀមរាប ខេត្តសៀមរាបត្រូវកម្លាំងបញ្ជូនជនសង្ស័យម្នាក់នេះទៅតុលាការដើម្បីចាត់ការតាមច្បាប់៕
