ភ្នំពេញៈឃាតករដែលអារកសម្លាប់ក្មេងស្រីអាយុ ១៤ឆ្នាំ បានសារភាពថាៈខ្លួនបានអារក រនិងចាក់សម្លាប់ក្មេងស្រីរូបនោះរួច ទើបបានធ្វើសកម្មភាពរំលោភតាមក្រោយ។ បន្ទាប់ពីសម្លាប់ក្មេងស្រីរួច ខ្លួនបានរត់គេចខ្លួន តែត្រូវសមត្ថកិច្ចចាប់ខ្លួនកាលពីរសៀលថ្ងៃទី២ ខែកញ្ញា ឆ្នាំ២០២០ នៅចំណុចក្រោមស្ពានព្រែកព្នៅ ខណ្ឌព្រែកព្នៅ។
ក្មេងស្រីរងគ្រោះត្រូវបានឃាតកដៃឆៅប្រើដំបងឆក់និងកាំបិតចាក់និងអារករសម្លាប់នៅក្នុងបន្ទប់ផ្ទះជួល កាលពីរសៀលថ្ងៃទី១ ខែកញ្ញា ឆ្នាំ២០២០ នៅភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ។ក្មេងស្រីរងគ្រោះឈ្មោះ ពេញ ស្រីពេជ្រ អាយុ១៤ឆ្នាំ មានស្រុកកំណើត នៅក្នុងភូមិដីក្រហម ឃុំសំភាស ស្រុកស្ទឹងត្រង់ ខេត្តកំពង់ចាម។
ឃាតកមានឈ្មោះ ឡាច ចន្ថា ភេទប្រុស អាយុ២៥ឆ្នាំ ស្នាក់នៅផ្ទះជួលក្រុម២ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យនិងមានស្រុកកំណើត នៅខេត្តរនតគីរី។
នៅចំពោះមុខសមត្ថកិច្ចឃាតកដៃឆៅរូបនេះបានសារភាពថាៈនៅពេលឃើញក្មេងស្រីរងគ្រោះនៅម្នាក់ឯង ហើយខ្លួនក៏បានចូលចាប់អោប និងបានគំរាមកុំឱ្យស្រែក បើស្រែកប្រយ័ត្នខ្លួនសម្លាប់ចោល ។តែក្មេងស្រីរូបនោះនៅតែស្រែក និងព្យាយាមរើបម្រាស់ ទើបខ្លួនធ្វើសកម្មភាពដោយប្រើដំបងឆក់ និងយកកាំបិតចាក់ទៅលើក្មេងស្រីតែម្តង។
ឃាតករបានសារភាពទៀតថាសម្លាប់ក្មេងស្រីនោះហើយទើបរំលោភតាមក្រោយហើយខ្លួនបានរត់ចេញពីក្នុងផ្ទះក្មេងស្រីនោះ។សូមជម្រាបថាក្មេងស្រីរងគ្រោះត្រូវបានឃាតកអារ.កសម្លាប់បំបិទមាត់ស្លាប់ទាំងអាក្រាតកាយនៅក្នុងថ្លុកឈាម។សាកសពនាងត្រូវបានបងប្រុសជីដូនមួយប្រទះឃើញបង្កឱ្យមានការភ្ញាក់ផ្អើលកាលពីរសៀល ថ្ងៃទី១ ខែកញ្ញា ឆ្នាំ២០២០ នៅក្នុងបន្ទប់ជួលមួយកន្លែង ស្ថិត នៅភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ៕ 
