ខេត្តព្រះសីហនុ៖រថយន្តបុកជាមួយម៉ូតូពេញទំហឹងបណ្ដាលឱ្យមនុស្សម្នាក់ស្លាប់ភ្លាមនៅផ្លូវមិត្តភាពក្នុងសង្កាត់លេខ៤ ក្រុងព្រះសីហនុកាលពីរំលងអាធ្រាត្រចូលថ្ងៃទី២៧ ខែមិថុនា។
សមត្ថកិច្ចបានឱ្យដឹងថា គ្រោះថ្នាក់ចរាចរណ៍នេះម៉ូតូម៉ាកហុងដាផ្លាកលេខភ្នំពេញ1IV-9595 ជនរងគ្រោះមិនទាន់ស្គាល់អត្តសញ្ញាណបើកពីលិចទៅកើត។មកដល់កន្លែងកើតហេតុបានបត់ឆ្វេងត្រូវរថយន្តម៉ាកLEXUS RX330 ផ្លាកលេខ ភ្នំពេញ 2AZ-8676 មកពីមុខបុកពេញទំហឹងបណ្តាលឱ្យខាងម៉ូតូស្លាប់ភ្លាម។រីឯអ្នកបើកបររថយន្តមិនស្គាល់អត្តសញ្ញាណព្រោះបានរត់គេចខ្លួនបាត់។
បន្ទាប់មកសមត្ថកិច្ចកំពុងស្វែងរកក្រុមគ្រួសារដើម្បីប្រគល់សពយកទៅធ្វើបុណ្យ។ចំណែករថយន្តនិងម៉ូតូត្រូវបាននគរបាលចរាចរណ៍យកទៅរក្សាទុកដើម្បីរង់ចាំភាគីសងខាងចូលខ្លួនដោះស្រាយ ៕
