កំពង់ចាម៖គ្រោះថ្នាក់ចរាចរណ៍រវាងរថយន្តធំនិងម៉ូតូក្នុងដំណើរបញ្ច្រាស់ទិសបានបុកគ្នាពេញទំហឹងបណ្តាលឱ្យមនុស្សក្មេងចាស់៣នាក់បានស្លាប់ភ្លាមនិងរងរបួសធ្ងន់ម្នាក់។
សមត្ថកិច្ចបានឱ្យដឹងថា ហេតុការណ៍នេះបានកើតឡើងនៅផ្លូវកៅស៊ូក្នុងភូមិឣូរកណ្តោល ឃុំព្រែកក្របៅ ស្រុកកងមាស ខេត្តកំពង់ចាម កាលពីល្ងាចថ្ងៃទី់២៦ ខែមិថុនា។មុនពេលកើតហេតុគេឃើញ ឈ្មោះស៊ឹម រិទ្ធី អាយុ២០ឆ្នាំនៅភូមិ ឃុំខាងលើបានជិះម៉ូតូឌុបប្រពន្ធ និងកូន ម៉ាកហុងដាផ្លាកលេខ កំពត1D.6579 ពីកើតទៅលិច។
មកដល់កន្លែងកើតហេតុបានបុកជាមួយរថយន្តម៉ាកហ៊ីយ៉ាន់ធុនធំផ្លាកលេខកំពង់ឆ្នាំង3A.1488 បើកបរដោយឈ្មោះ ស៊ន់ សុភី ឣាយុ២៧ឆ្នាំនៅភូមិខ្វិតតូច ឃុំជ្រៃវៀន ស្រុកព្រៃឈរ ខេត្តកំពង់ចាមបណ្តាលឱ្យស្លាប់ភ្លាមៗ៣នាក់និងរងរបួសធ្ងន់ម្នាក់ហើយអ្នកបើកររថយន្តរត់គេចខ្លួនបាត់។
ប្តីជាអ្នកបើកម៉ូតូឈ្មោះស៊ឹម រិទ្ធី អាយុ២០ឆ្នាំបានស្លាប់-ប្រពន្ធ ឈ្មោះទ្រុយណាំគា អាយុ១៩ឆ្នាំស្លាប់-ឈ្មោះធី តឿ អាយុ១ឆ្នាំស្លាប់-ឈ្មោះ ធី ភ័ក្រ្តា អាយុ៤ឆ្នាំរបួសធ្ងន់បញ្ជូនទៅសង្គ្រោះនៅមន្ទីរពេទ្យខេត្តកំពង់ចាម៕
