កណ្ដាល៖ស្រ្តីម្នាក់បើកម៉ូតូយ៉ាងលឿនដើម្បីវ៉ាជែងបណ្តាលឱ្យដួលត្រូវរថយន្តធំក្រឡុកស៊ីម៉ងត៍កិនស្លាប់ម្នាក់និងរងរបួសធ្ងន់ម្នាក់។
សមត្ថកិច្ចបានឱ្យដឹងថា គ្រោះថ្នាក់ចរាចរណ៍រវាងរថយន្តនិងម៉ូតូនៅលើផ្លូវលេខ១៥១ ក្នុងភូមិត្បូងវត្ត ឃុំជ្រៃលាស់ ស្រុកពញាឮ ខេត្តកណ្ដាលកាលពីរសៀលថ្ងៃទី២៧ ខែមេសា។មុនកើតហេតុមានរថយន្តម៉ាក HINO ក្រឡុកស៊ីម៉ងត៍ ។អ្នកបើបរឈ្មោះ ខៀវ ខួច អាយុ ២៩ឆ្នាំនៅភូមិព្រែកតាតូច ឃុំបឹងខ្យាង ស្រុកកណ្តាលស្ទឹង ខេត្តកណ្តាលត្រូវឃាត់ខ្លួន។រថយន្តនេះបានបត់ស្តាំ ក៏មានម៉ូតូជិះឌុបគ្នា២នាក់បើកវ៉ាជែងរថយន្តហើយ បានដួលបណ្តាលឱ្យរថយន្តកិនស្លាប់ម្នាក់ និងរបួសធ្ងន់ម្នាក់តែម្តង។
ម៉ូតូជនរងគ្រោះម៉ាក Honda scoopy ផ្លាកលេខកណ្តាល 1AL-1557 បើកបរដោយឈ្មោះ ផន លីហ័ន ភេទស្រី អាយុ ១៨ ឆ្នាំនៅភូមិលំហាច ឃុំម្កាក់ ស្រុកអង្គស្នួល ខេត្តកណ្តាល រងរបួសធ្ងន់។ អ្នករួមដំណើរដែលស្លាប់ឈ្មោះ នៅស្រីនូ អាយុ ១៨ឆ្នាំនៅភូមិ-ឃុំជាមួយគ្នា៕
