(ស្ទឹងត្រែង)កម្លាំងសមត្ថកិច្ច នៃស្នងការដ្ឋាននគរបាល ខេត្តស្ទឹងត្រែង ដឹកនាំដោយលោក ជា សុភ័ក្ត្រ ព្រះរាជអាជ្ញារង អមសាលាដំបូង ខេត្តស្ទឹងត្រែង បានចុះបង្ក្រាប និងដកហូតម៉ូតូអត់ពន្ធ បានចំនួន ៤៧ គ្រឿង នៅព្រឹកថ្ងៃទី៦ ខែមករា ឆ្នាំ២០២២។
សមត្ថកិច្ច បានឲ្យដឹងថាៈ ករណីចុះបង្ក្រាប និងដកហូតម៉ូតូអត់ពន្ធចំរុះ មាន ១០ ទីតាំង បានជិត ៥០ គ្រឿង នៅក្រុងស្ទឹងត្រែងនេះ ដើម្បីពិនិត្យ និងតម្រូវឱ្យម្ចាស់ បង់ពន្ធ។ ម៉ូតូទាំងអស់នោះ ក្រោយពីដកហូតបាន យកទៅរក្សាទុក នៅស្នងការដ្ឋាន នគរបាល ខេត្តស្ទឹងត្រែង។
សូមបញ្ជាក់ថា ករណីលក់ម៉ូតូអត់ពន្ធ នៅក្រុងស្ទឹងត្រែង បានកើតមានឡើង តាំងពីយូរឆ្នាំណាស់មកហើយ។ ការនាំចូលមកពីតាមបណ្តាខេត្ត ពិសេសនាំចូល ពីប្រទេសវៀតណាម ជាដើម៕