ភ្នំពេញ៖បុរសម្នាក់បើករថយន្តយ៉ាងលឿនជ្រុលទៅបុករថយន្តបែនដឹកដីពីរគ្រឿងចតស្ងៀមនៅក្នុងដីឡូតិ៍ឱ្យរថយន្តបង្កខ្ទេចមួយកំណាត់មុខតៃកុងគាបក្នុងកាប៊ីនរបួសធ្ងន់។
គ្រោះថ្នាក់ចរាចរណ៍នេះបានកើតឡើងនៅតាមផ្លូវវិមានឈ្នះ ឈ្នះ ក្នុងសង្កាត់គោករកា ខណ្ឌព្រែកព្នៅកាលពីរំលងអធ្រាត្រចូលថ្ងៃទី៦ ខែធ្នូ ឆ្នាំ២០២១។
មុនកើតហេតុ បុរសម្នាក់ បើករថយន្តម៉ាក LexusRX300 តាមផ្លូវភ្នំពេញហាណូយ ក្នុងល្បឿនលឿន ។មកដល់ ត្រង់ស្តុបទំនប់កប់ស្រូវ ស្រាប់តែរថយន្តហួសឆ្លងផ្លូវ ទៅបុករថយន្តបែនដឹកដីពីរគ្រឿងចតនៅ ក្នុងដីឡូតិ៍ ចំពីមុខពេញទំហឹងបណ្តាលឱ្យរថយន្តបែនខូចខាតយ៉ាងដំណំ ។ ចំណែករថយន្តបង្ក ខ្ទេចមួយកំណាត់មុខ គាបជាប់តៃកុងក្នុងការប៊ីនរបួសធ្ងន់។
ក្រោយកើតហេតុសមត្ថកិច្ចចរាចរណ៍ចុះមក ស្ទូចយករថយន្តបង្កទៅរក្សាទុកនៅ ជំនាញផ្លូវគោករាជធានីភ្នំពេញ ដើម្បីរង់ចាំម្ចាស់ចុឡខ្លួនដោះស្រាយ៕
