ព្រះវិហារ៖មេបញ្ជាការកងរាជអាវុធហត្ថខេត្តព្រះវិហារលោក កង សៅគុណកាលពីថ្ងៃទី៦ ខែមេសា ឆ្នាំ២០២១បានដឹកនាំកម្លាំងក្រោមឱវាទចុះជួយរុះរើ ជួសជុល និងលើកផ្ទះពលរដ្ឋ ដែលរងការខូចខាតដោយសារគ្រោះធម្មជាតិដោយមានភ្លៀងនិងខ្យល់កន្រ្ទាក់នាដើមឆ្នាំ បណ្តាលឱ្យរលំផ្ទះមួយចំនួន នៅភូមិផ្លោច ឃុំច្រាច់ ស្រុកជ័យសែន ខេត្តព្រះវិហារ។
លោក កង សៅគុណ ក៏បានឧបត្ថម្ភនូវថវិកា ដល់គ្រួសារម្ចាស់ផ្ទះរងគ្រោះចំនួន ៤០ម៉ឺនរៀល។ ជាមួយគ្នានេះដែរលោកក៏បានចុះសួរសុខទុក្ខ លោក ឡាញ់ វណ្ណី ដែលទើបជាសះស្បើយពីជំងឺប្រចាំកាយ ព្រមទាំងជូនអំណោយ ជាភេជ្ជៈមួយចំនួន៕