ពោធិសាត់៖កម្លាំងគរបាលព្រហ្មទណ្ឌខេត្តពោធិ៍សាត់បានចាប់ជនសង្ស័យ២នាក់ជាមួយអាវុធវែង២ដើមដែលពួកគេលាក់ទុកប្រើប្រាស់ខុសច្បាប់។សមត្ថកិច្ចឃាត់ជនពីរនាក់នេះក្នុងស្រុកក្រគរខេត្តពោធិ៍សាត់កាលពីល្ងាចថ្ងៃទី១៧មីនា២០២១។
លោកឧត្តមសេនីយ៍ត្រីម៉ូលីដាស្នងការរងនគបាលខេត្តពោធិសាត់បានឱ្យដឹងថា៖ជនសង្ស័យទាំង២នាក់នេះឈ្មោះមិត្តមនភេទប្រុសអាយុ៥៦ឆ្នាំរស់នៅក្នុងភូមិក្បាលទាហ៊ានឃុំឈើតុំស្រុកក្រគរខេត្តពោធិសាត់មានអាវុធ១ដើម.ម៉ាកអឹម១៦បង់មួយគ្រាប់២០គ្រាប់។ឈ្មោះហេងឆាងអាយុ៦២ឆ្នាំនៅក្នុងភូមិកំរ៉ែងឃុំស្វាយសស្រុកក្រគរខេត្តពោធិសាត់មានអាវុធប្រភេទអាកាបត់បង់១គ្រាប់៣២គ្រាប់។
លោកឧត្តមសេនីយ៍ត្រីស្នងការងបានបន្តថា៖ជនសង្ស័យទាំងព២នាក់នគរបាលបានទទួលពីមន្ត្រីនៃមន្ទីរបរិស្ថានខេត្តខណៈដែលពួកគេលាក់ទុកប្រើប្រាស់ដោយខុសច្បាប់។នៅចំពោះមុខសមត្ថកិច្ចជនសង្ស័យឈ្មោះហេងឆាងបានឆ្លើយថា៖អាវុធទាំង២ដើមនេះគេឃើញនៅក្នុងរូងឈើ។ដោយឡែកឈ្មោះមិត្តមនបានឆ្លើយថារើសបាននៅម្តុំកំពង់ក្រូចឃុំឈើតុំស្រុកក្រគក្នុងព្រៃត្រែងមាត់ច្រាំងស្ទឹងដោយខ្លួនលាក់ទុកដើម្បីបាញ់សត្វ។
បច្ចុប្បន្នជនសង្ស័យទាំងពីរនាក់ជាមួយអាវុធទាំង២ដើមសមត្ថកិច្ចកំពុងសាកសួរយកចម្លើយនៅស្នងការដ្ឋាននគរបាលខេត្តពោធិ៍សាត់ដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់៕
