ចាប់ចិននិងខ្មែរ០៦នាក់ដកហូតទូរស័ព្ទដៃជាង២០០គ្រឿងតាមផ្លូវសមុទ្រ

កោះកុង៖កម្លាំងនគរបាលព្រំដែនទឹក ប្រចាំប៉ុស្តិ៍កោះម្នាស់បានដេញតាមចាប់ជនសង្ស័យជនជាតិចិន៤នាក់ និងអ្នកបើកបរខ្មែរ ចំនួន២នាក់ ធ្វើដំណើរ តាមអូប័រមួយគ្រឿង មកពីខេត្តព្រះសីហនុ។មកដល់ចំណុចផែពយជប៉ុន ស្រុកគិរីសាគរ ត្រូវកម្លាំងគណ:បញ្ជាការឯកភាពស្រុក បានឃាត់ និងហៅមកសាកសួរ នៅល្ងាចថ្ងៃទី១១ ខែមីនា ឆ្នាំ២០២១ ។
សមត្ថកិច្ចបានឱ្យដឹងថា៖មនុស្សទាំង៦នាក់រួមមាន៖ឈ្មោះ DING RUIជាតិចិន អាយុ២២ឆ្នាំ, ឈ្មោះ FANG LIUHONGជាតិចិន អាយុ២៨ឆ្នាំ, ឈ្មោះ XU QUNBAOជាតិចិន អាយុ៣៤ឆ្នាំ, ឈ្មោះ LIG DANជាតិចិន អាយុ២៩ឆ្នាំ,ឈ្មោះ ឌុល ការីមជាតិខ្មែរ អាយុ៣២ឆ្នាំ, និងឈ្មោះ លី វណ្ណាជាតិខ្មែរ អាយុ៤០ឆ្នាំ ។
សមត្ថកិច្ចបានឆែកឆេរឃើញសម្ភារ ទូរស័ព្ទ អាយហ្វូនស៊ិច (iphone6) ចំនួន២៧០គ្រឿង, ខ្សែសាកថ្មចំនួន១៧៥ខ្សែ, ព្រីភ្លើងចំនួន៤ដុំ ។បច្ចុប្បន្នជនទាំង៦នាក់ យកមកធ្វើចត្តាឡីស័ក នៅមណ្ឌលសុខភាពភ្ញីមាស ។ រីឯវត្ថុតាងត្រូវផែន ប្រឆាំងបទល្មើសសេដ្ឋកិច្ច ដកហូតយកទៅ ស្នងការដ្ឋាននគរបាលខេត្តកោះកុង ។ ចំណែកអូប័រ១គ្រឿង ដែលជាមធ្យោបាយ រក្សាទុកនៅអធិការដ្ឋាននគរបាលស្រុក ៕