ព្រះវិហារ៖អគារទីស្នាក់ការអនុសាខាកាកបាទក្រហមកម្ពុជាស្រុកត្បែងមានជ័យខេត្តព្រះវិហារដែលទើបសាងសង់រួចអស់ថវិកាចំនួន២៣.៣០០ដុល្លារត្រូវបានសម្ភោធដាក់ឱ្យប្រើប្រាស់ជាផ្លូវការហើយ នៅរសៀលថ្ងៃទី២៣ខែមករាឆ្នាំ២០២១។ពិធីនេះក្រោមវត្តមានលោកទេសរដ្ឋមន្ត្រីមាសសុភាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារនិងជាប្រធានកិត្តិយសសាខាកាកបាទក្រហមកម្ពុជាខេត្ត។
លោកទេសរដ្ឋមន្ត្រីមាសសុភាបានផ្តាំផ្ញើរសាកសួរសុខទុក្ខពីសំណាក់សម្តេចតេជោហ៊ុនសែននាយករដ្ឋមន្ត្រីនៃកម្ពុជានិងសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនប្រធានកាកបាទក្រហមកម្ពុជាដែលជានិច្ចជាកាលតែងយកចិត្តទុកដាក់គិតគូរពីសុខទុក្ខនិងការរស់នៅរបស់ប្រជាពលរដ្ឋយើងគ្រប់ទីកន្លែង។ពិសេសប្រជាពលរដ្ឋក្រីក្រចាស់ជរាក្មេងកំព្រាស្ត្រីមេម៉ាយក៏ដូចជាប្រជាពលរដ្ឋងាយរងគ្រោះ។
លោកទេសរដ្ឋមន្ត្រី មាសសុភានិងក្រុមការងារបានប្រគល់បណ្ណសរសើរដល់សប្បុរសជន និងផ្តល់កំព្យូទ័រ១គ្រឿងដល់អនុសាខាកាកបាទក្រហមកម្ពុជាស្រុក។ជាមួយនេះបានផ្តល់ថវិកាលើកទឹកចិត្តដល់ក្រុមយុវជនស្ម័គ្រចិត្តកាកបាទក្រហមយុវជនកាយរឹទ្ធិនិងអ្នកស្ម័គ្រចិត្តកាកបាទក្រហមនិងប្រជាពលរដ្ឋក្រីក្រព្រមទាំងកាត់ខ្សែរបូរសម្ភោធដាក់ឱ្យប្រើប្រាស់អគារស្នាក់ការអនុសាខាកាកបាទក្រហមកម្ពុជា ស្រុកជ័ យសែន ចាប់ពីពេលនេះតទៅ៕សហការី