កំពង់ស្ពឺ៖គ្រោះថ្នាក់ចរាចររវាងរថយន្តបុកជាមួយម៉ូតូនៅលើផ្លូវលំត្រង់ចំណុចទំនប់អូរតាចាបភូមិខ្សាច់ពូនឃុំវាលពង់ស្រុកឧដុង្គខេត្តកំពង់ស្ពឺកាលពីល្ងាចថ្ងៃទី១៩ខែមិថុនាឆ្នាំ២០២០។
មន្ត្រីនគរបាលស្រុកឧដុង្គបានឱ្យដឹងថាមុនកើតហេតុគេឃើញជនរងគ្រោះមានឈ្មោះម៉ា ម៉ៃហេង ភេទស្រីអាយុ១៧ឆ្នាំរស់នៅភូមិទួលឃុំវាលពង់ស្រុកឧដុង្គជិះម៉ូតូម្នាក់ឯងម៉ាកហុងដាសេ១២៥សេរី២០១៩។ពណ៌ខ្មៅពាក់ស្លាកលេខកំពង់ស្ពឺ1N5336ត្រូវរថយន្តមិនស្គាល់ម៉ាករេចង្កូតទៅបុកអ្នកជិះម៉ូតូបណ្តាលឱ្យរងរបួសធ្ងន់។
ប្រភពបន្តថាក្រោយពីកើតហេតុអ្នកបើករថយន្តបង្កបានបើករត់គេខ្លួនបាត់អ្នករងរបួសត្រូវបានក្រុមគ្រួសារបញ្ជូនទៅមន្ទីរពេទ្យ។ចំពោះវត្ថុតាងយកមករក្សាទុកនៅប៉ុស្តិ៍នគរបាលរដ្ឋបាលវាលពង់ដើម្បីស្រាវជ្រាវបន្ត៕
