ឃាត់ខ្លួនជនសង្ស័យចំនួន២នាក់ករណីគ្រឿងញៀន២កន្លែងផ្សេងគ្នា

ព្រះសីហនុ៖ កម្លាំងនគរបាល ប្រឆាំងបទល្មើសគ្រឿងញៀន សហការជាមួយនគរបាលក្រុងព្រះសីហនុ បានចុះបង្រ្កាបករណីគ្រឿងញៀន ២ករណីផ្សេងគ្នា ឃាត់ខ្លួនជនសង្ស័យប្រុសស្រីចំនួន២នាក់កាលពី រសៀលថ្ងៃទី៩ ខែមករា ឆ្នាំ២០២១។

សមត្ថកិច្ចបានឱ្យដឹងថា៖ករណីទី១ស្ថិតនៅចំណុចកំពង់ផែថ្មីសង្កាត់៣ក្រុង-ខេត្តព្រះសីហនុដោយឃាត់ខ្លួនជនសង្ស័យឈ្មោះសុខចាន់ណាភេទប្រុសអាយុ៣៧ឆ្នាំមុខរបរអ្នកបើកបរឡានធំ។ដកហូតវត្ថុតាងរួមមាន៖ម្សៅក្រាមសថ្លាសង្ស័យសារធាតុញៀនម៉ាទឹកកក៦កញ្ចប់ធំ,ទូរស័ព្ទ២គ្រឿងនឹងសម្ភារប្រើប្រាស់ថ្នាំញៀនមួយចំនួន ។
ករណីទី២ នៅម្តុំផ្សារចិន ភូមិ១ សង្កាត់៤ ក្រុង-ខេត្តព្រះសីហនុ ឃាត់ខ្លួនជនសង្ស័យឈ្មោះ យ៉ែម ខែមឿន ភេទស្រី អាយុ ៣៨ឆ្នាំ មុខរបរគ្មាន ។ ដកហូតវត្ថុតាងរួមមាន៖ ម្សៅក្រាមសថ្លាសង្ស័យ សារធាតុញៀន ម៉ាទឹកកក១កញ្ចប់ធំ,ថ្នាំគ្រាប់WY០៧គ្រាប់,ទូរសព្ទ័២គ្រឿង។ក្រោយឃាត់ខ្លួនជនសង្ស័យទាំងពីរនាក់ ត្រូវកម្លាំងសមត្ថកិច្ចកសាងសំណុំរឿងនឹងបញ្ជូនទៅតុលាការ ដើម្បីអនុវត្តន៍តាមនីតិវិធីផ្លូវច្បាប់៕សហការី