ខេត្តព្រះវិហារ៖កាលពីព្រឹកថ្ងៃទី២៨ខែវិច្ឆិកាឆ្នាំ២០២០នៅទីបញ្ជាការកងពលតូចអន្តរាគមន៍លេខ៧បានប្រជុំបូកសរុបលទ្ធផលការងារយោធាឆ្នាំ២០២០នឹងដាក់ចេញទិសដៅការងារយោធារឆ្នាំ២០២១។ពិធីនេះក្រោមអធិបតីភាពលោកឧត្តមសេនីយ៍ទោដួងសំនៀងមេបញ្ជាការកងពលតូចអន្តរាគមន៍លេខ៧ដោយមានការអញ្ចើញចូលរួមពីកងកម្លាំងទាំង៤ចំណុះកងពលដើម្បីផ្លាស់ប្ដូរនូវបទពិសោធន៍។
លោកឧត្តមសេនីយ៍ទោ ដួង សំនៀង មេបញ្ជាការកងពលតូចអន្តរាគមន៍លេខ៧ បានមានប្រសាសន៍ ថាៈក្រោមការដឹកនាំរបស់សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃកម្ពុជាបានធ្វើឱ្យប្រទេសជាតិមានសុខសន្តិភាព,ស្ថេរភាពនយោបាយ,សេដ្ឋកិច្ច,សន្តិសុខសណ្តាប់ធ្នាប់សង្គមកាន់តែមានភាពល្អប្រសើរឡើង។
លោកឧត្តមសេនីយ៍ទោ ដួង សំនៀង បានថ្លែងកោតសរសើរ និង វាយតម្លៃ ខ្ពស់ ចំពោះ ការ អនុវត្ត តួនាទី និងភារកិច្ចយ៉ាងសកម្មប្រកបដោយស្មារតី ទទួលខុសត្រូវ ខ្ពស់ របស់នាយ ពលទាហាន និងសូមគាំទ្រលើកទឹកចិត្តឱ្យបន្តការខិតខំប្រឹងប្រែងបន្ថែមទៀត ដើម្បី ឈាន ទៅ សម្រេច ភារកិច្ច កាន់តែ ល្អ ប្រសើរ ជូន ជាតិ មាតុភូមិ និង ប្រជាជន នៃ យើង៕សហការី
