សៀមរាប៖កាលពីយប់ថ្ងៃទី១៧ខែវិច្ឆិកាឆ្នាំ២០២០សមត្ថកិច្ចចម្រុះបានចុះត្រួតពិនិត្យនិងអនុវត្តវិធានសុវត្តិភាពទេសចរណ៍ដោយសម្រេចបិទក្លិបកម្សាន្តដ៏ល្បីចំនួន២កន្លែងនៅក្នុងតំបន់ផាប់ស្ទ្រីតនៃក្រុងសៀមរាប។
មន្ត្រីសមត្ថកិច្ចបានឱ្យដឹងថា ទីតាំងក្លិបទាំង២ ដែលសម្រេចបិទ ទី១ឈ្មោះ ស្កាយបា ដឺ វ័ន បាយធី ( TheOnebyT)និងទី២ឈ្មោះថេមថលក្លិប(TempleClub)។ជាមួយគ្នានោះមន្ត្រីនៃមន្ទីរទេសចរណ៍ខេត្តក៏បានឱ្យដឹងថាមូលហេតុនៃការបិទនេះគឺដោយសារតែម្ចាស់អាជីវកម្មនេះមិនបានចូលរួមអនុវត្តនូវវិធានសុវត្តិភាពទេចរណ៍ក្នុងស្ថានភាពដំណាក់កាលកូវិដ១៩របស់រាជរដ្ឋាភិបាល។ការណែនាំរបស់ក្រសួងទេសចរណ៍ក្រសួងសុខាភិបាលនិងរដ្ឋបាលខេត្តសៀមរាប។
មន្ត្រីបានបញ្ជាក់ថាក្លិបកម្សាន្តទាំងអស់នៅក្នុងក្រុងសៀមរាបត្រូវបានបិទអស់ហើយគឺនៅតែពីរនេះចុងក្រោយ។មន្ត្រីបន្ថែមថាការបិទនេះសម្រាប់តែKTVក្លិបកម្សាន្តខារ៉ាអូខេរោងភាពយន្តសារមន្ទីរនៅទូទាំងប្រទេស។ប៉ុន្តែសម្រាប់ភោជនីយដ្ឋានគឺដំណើរការធម្មតាតែត្រូវគោរពតាមវិធានសុវត្ថិភាពទេចរណ៍។
មន្ត្រីមន្ទីរទេសចរណ៍បញ្ជាក់ថាកាលពីថ្ងៃទី៨ខែវិច្ឆិកាឆ្នាំ២០២០ក្រសួងសុខាភិបាលបានប្រកាសឱ្យបិទKTVក្លឹបកម្សាន្តខារ៉ាអូខេរោងភាពយន្តសារមន្ទីរនៅទូទាំងប្រទេសក្នុងស្ថានភាពជំងឺកូវិដ១៩រីករាលដាលជាសកលបន្ទាប់ពីមានព្រឹត្តិការណ៍៣វិច្ឆិកា។
សូមបញ្ជាក់ថា ក្នុងដំណាក់កាលកូវីដ១៩ ក្លិបកម្សាន្ត នានា នៅក្នុងខេត្តសៀមរាប បានបិទជាស្ថាពរ តាមការណែនាំរបស់សាលាខេត្ត។ ប៉ុន្តែក្លិបកម្សាន្តទាំង ពីរខាងលើ នៅតែបន្តសកម្មភាពរបស់ខ្លួន ពិសេស(ថេមផលក្លិប)ដែលជារបស់មន្ត្រីនគរបាលជាន់ខ្ពស់នៃខេត្តទេសចរណ៍សៀមរាបអង្គរ៕សហការី
