ភ្នំពេញ៖បុរសម្នាក់បានបើករថយន្តទំនើបក្នុងល្បឿនលឿនទៅបុកបង្គោលភ្លើងបំភ្លឺផ្លូវបណ្តាលឱ្យខូចខាតទាំងរថយន្តនិងបង្គោលភ្លើងនោះយ៉ាងធ្ងន់ធ្ងរតែមិនមានអ្នកគ្រោះថ្នាក់ទេ។ហេតុការណ៏នេះកើតឡើងនៅច្រកចូលវត្តតាំងកសាងនៅមុខរោងចក្រកណ្តាលតាមបណ្តោយផ្លូវបេតុងក្នុងភូមិក្បាលដំរី១ សង្កាត់កាកាបទី១ខណ្ឌពោធិ៍សែនជ័យកាលពីយប់ថ្ងៃអង្គារទី១៧ខែវិច្ឆិកាឆ្នាំ២០២០។
អ្នកបើករថយន្តបង្កមិនត្រូវបានស្គាល់អត្តសញ្ញាណនោះទេក្រោយបង្កគ្រោះថ្នាក់បានគេចខ្លួនបាត់។រថយន្តម៉ាកឡិចស៊ីសRX300ពណ៌សពាក់ផ្លាកលេខភ្នំពេញ2BA.5722។ក្រោយពីកើតហេតុសមត្ថកិច្ចជំនាញចរាចរណ៍មកវាស់វែងស្ទូចយករថយន្តបង្កទៅរក្សាទុកនៅអធិការរដ្ឋានខណ្ឌពោធិ៍សែនជ័យដើម្បីរង់ចាំដោះស្រាយគ្នានៅពេលក្រោយ៕សហការី
