បាត់ដំបង៖កាលពីរសៀលថ្ងៃទី១៤ខែមិថុនាឆ្នាំ២០២០នគរបាលខេត្តបានបញ្ជូនជនសង្ស័យប្រុសស្រី២នាក់ទៅតុលាការពីបទឆក់ទូរស័ព្ទដៃតាមផ្លូវសាធារណ:។ក្រោយសមត្ថកិច្ចឃាត់ខ្លួនបាននៅចំណុចលើដងផ្លូវភូមិកំពង់សីមាសង្កាត់វត្តគរក្រុងបាត់ដំបង។
មន្ត្រីនគរបាលក្រុងបាត់ដំបងបានឱ្យដឹងថាជនសង្ស័យទាំង២នាក់មានឈ្មោះជួនកក្តដាហៅអាម៉ៅអាយុ២៦ឆ្នាំនៅភូមិជ្រៃកោងសង្កាត់សត់ស្លាកែតក្រុងបាត់ដំបងខេត្តបាត់ដំបង។ឈ្មោះជិន លីកាភេទស្រីអាយុ១៦ឆ្នាំ នៅភូមិចុងព្រែកសង្កាត់ក្តុលដូនទាវ ក្រុងបាត់ ដំបង ខេត្តបាត់ដបង។
ចំណែកវត្ថុតាងដែលដកហូតបានមានម៉ូតូចំនួន១គឿងជាមធ្យោបាយជិះធ្វើសកម្មភាពល្មើសច្បាប់។ដោយឡែកជនរងគ្រោះមានឈ្មោះហេងសុខលេងភេទស្រីអាយុ២៩ឆ្នាំនៅសង្កាត់វត្តគរក្រុងបាត់ដំបង ខេត្តបាត់ដំបងពេលកំពុងឈរនិយាយទូរស័ព្ទនៅលើម៉ូតូក្បែរចិញ្ចើមផ្លូវនាចំណុចកើតហេតុ។សម្ភារបាត់បង់រួមមានៈទូរស័ព្ទដៃម៉ាកSam Sung ចំនួន១គ្រឿង៕
