បន្ទាយមានជ័យ៖បុរសម្នាក់គេឃើញដួលស្លាប់ នៅម្តុំខ្លោងទ្វារវត្តត្រូវគេសង្ស័យជារថយន្តដឹកដីបុក។ហេតុការណ៍នេះបានកើតឡើងនៅក្រោមខ្លោងទ្វារវត្តជិនវ័ន្តសិមារាម ហៅវត្តម៉ុងចិនស្ថិតក្នុងភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត កាលពីល្ងាចថ្ងៃទី១៤ ខែកក្កដាឆ្នាំ២០២៣។
សមត្ថកិច្ចបានឱ្យដឹងថា ជនរងគ្រោះមិនទាន់ស្គាល់អត្តសញ្ញាណនៅឡើយទេ។មុនកើតហេតុគេតែងឃើញបុរសខាងលើដើររើសអេតចាយពេលថ្ងៃ។លុះពេលយប់រូបគាត់ដេកនៅជិតទីនោះ។ជនរងគ្រោះបានស្លាប់ផ្កាប់មុខបាក់ដៃឆ្វេងនិងមានស្នាមរថយន្តកិនចំលើខ្នងត្រូវបានគេសង្ស័យរថយន្តដឹកដីបុក ព្រោះមានតែរថយន្តដឹកដី២គ្រឿងចេញចូលចាក់ដី។
ក្រោយមកសមត្ថកិច្ចជំនាញបានចុះត្រួតពិនិត្យលើសពនិងស្វែងរកមូលហេតុពិតប្រាកដដើម្បីអនុវត្តតាមច្បាប់។បន្ទាប់ពីនោះសពត្រូវក្រុមអ្នកសង្គ្រោះយកទៅបូជានៅវត្តប្រជាធម្មហើយបានរក្សាទុកធាតុរង់ចាំប្រគល់ជូនក្រុមគ្រួសារ៕
