(បាត់ដំបង) អនុវត្តន៍តាមបទបញ្ជាយ៉ាងម៉ឺងម៉ាត់របស់ លោកឧត្តមសេនីយ៍ត្រី ហែម វុទ្ធី មេបញ្ជាការ កងរាជអាវុធហត្ថខេត្ដបាត់ដំបង វេលាម៉ោង ១:០០នាទី នៅថ្ងៃទី០៣ ខែកុម្ភៈ ឆ្នាំ២០២៣ កម្លាំងមូលដ្ឋានកងរាជអាវុធហត្ថស្រុក ឯកភ្នំ បានអនុវត្តន៍ដីកាបង្គាប់ឱ្យចាប់ខ្លួន លេខ១៨២ ត.ព្រ ចុះថ្ងៃទី២៦ ខែមេសា ឆ្នាំ២០១៩ របស់លោក ញាណ សុវណ្ណចៅក្រមជំនុំជំរះ នៃសាលាដំបូងខេត្តបាត់ដំបង ដោយបង្គាប់ឱ្យចាប់ខ្លួន ជនត្រូវចោទ ឈ្មោះ យ៉ុន ងា ភេទប្រុស អាយុ៣៤ ឆ្នាំមុខរបរ នេសាទត្រី ទីលំបច្ចុប្បន្ន រស់នៅភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង ។ ដោយជាប់ចោទពីបទ ប៉ុនប៉ងប្រព្រឹត្ដអំពើលួចដោយមានស្ថានទម្ងន់ទោស ប្រព្រឹត្តនៅចំណុចភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង កាលពីថ្ងៃទី១៦ ខែតុលា ឆ្នាំ២០១៤ យកមកឃុំខ្លួន ដែលមានចែង និងផ្ដន្ទាទោសតាមបញ្ញាតិ្ដ មាត្រា៣៥៣ នៃក្រមនីតិវិធីព្រហ្មទណ្ឌ ។
បច្ចុប្បន្ន ជនត្រូវចោទ កំពុងចាត់ការបន្ត តាមនីតិវិធី៕
