រថយន្តធំបើកឡើងទ្រូងផ្លូវបណ្ដាលឱ្យក្រឡាប់ចាក់ឥដ្ឋពេញផ្លូវ

ភ្នំពេញ៖រថយន្តធំបើកឡើងថ្មទ្រូងផ្លូវបណ្តាលឱ្យក្រឡាប់ចាក់ឥដ្ឋពេញផ្លូវទំនងអ្នកបើកបរមានការធ្វេសប្រហែសឬងងុយដេក។
គ្រោះថ្នាក់ចរាចរណ៍នេះបានកើតឡើងនៅតាមមហាវិថីឈ្នះ ឈ្នះ ក្នុងភូមិសំរោង សង្កាត់សំរោងក្រោម ខណ្ឌពោធិ៍សែនជ័យ កាលពីព្រឹកថ្ងៃទី២២ ខែធ្នូ ឆ្នាំ២០២១។
សាក្សីបានឱ្យដឹងថា មុនកើតហេតុមានរថយន្តប្រភេទកូរ៉េធុនធំដឹកឥដ្ឋផ្លាកលេខព្រៃវែង 3A-0448 ដឹកឥដ្ឋបើក ពីជើងទៅត្បូង។រថយន្តនេះអ្នកបើកបរទំនងងងុយដេកទើបរេចង្កូតឡើងថ្មទ្រូងផ្លូវ បណ្ដាលឱ្យក្រឡាប់ផ្ងារជើងចាក់ឥដ្ឋពេញផ្លូវតែម្ដង ។ក្នុងហេតុការណ៍មិនបង្កឱ្យមានគ្រោះថ្នាក់ដល់មនុស្សទេនិងខូចខាតទ្រព្យសម្បត្តិរបស់រដ្ឋទេ។
បន្ទាប់មកសមត្ថកិច្ចបានចុះដល់ទីតាំងកន្លែងកើតហេតុឱ្យម្ចាស់រថយន្តស្ទូចរថយន្តយកទៅជួសជុលដោយខ្លួនឯង៕