កណ្ដាល៖រថយន្តធំដឹកដីផ្លាកខេមរភូមិន្ទបើកក្នុងល្បឿនលឿនបានបុកម៉ូតូ២គ្រឿងចំពីក្រោយឱ្យដួលរួចកិនពីលើបណ្ដាលឱ្យម៉ូតូខូចខ្ទេចខ្ទីទាំងស្រុងនិងមនុស្សរងរបួសធ្ងន់២នាក់។
គ្រោះថ្នាក់ចរាចរណ៍នេះបានកើតឡើងនៅលើផ្លូវជាតិលេខ៣ ភូមិដើមត្រាំង ឃុំអន្លង់រមៀត ស្រុកកណ្ដាលស្ទឹង ខេត្តកណ្ដាលកាលពីព្រឹកថ្ងៃទី១៩ ខែមករា។ សមត្ថកិច្ចបានឱ្យដឹងថា អ្នក រងរបួសធ្ងន់۔ឈ្មោះ ស៊ុម វល័ក្ខ អាយុ៤៣ឆ្នាំនៅភូមិបឹងកក់ ស្រុកគងពិសី ខេត្តកំពង់ស្ពឺ។ជិះម៉ូតូម៉ាកហុងដាវ៉េវផ្លាកលេខភ្នំពេញ1HG-9911និងឈ្មោះវង វឿន អាយុ៦២ឆ្នាំ នៅភូមិត្រពាំងបារគូ ស្រុកកណ្តាលស្ទឹង ខេត្តកណ្តាល។ជិះម៉ូតូម៉ាកហុងដាឌ្រីមផ្លាកលេខកណ្ដាល1AC-6706។ចំណែករថយន្តបង្កម៉ាកហ៊ីណូប្រភេទបែនដឹកដីផ្លាកលេខ ខេមរភូមិន្ទ3-2241 ជ្រុលធ្លាក់ផ្លូវហើយអ្នកបើកបររត់គេចខ្លួនបាត់។
ករណីនេះសមត្ថកិច្ចបានបញ្ជាក់ថា មូលហេតុតៃកុងរថយន្តបើកបរក្នុងល្បឿនលឿនពេលជាន់ហ្រ្វាំងមិនស៊ីបណ្ដាលឱ្យបុកម៉ូតូបង្កគ្រោះថ្នាក់តែម្តង៕
