ភ្នំពេញ៖បុរសម្នាក់បានបើករថយន្តកាមរីហាយប្រ៊ីដក្នុងល្បឿនលឿនក៏ជ្រុលទៅបុកបង្កាន់ដៃស្ពានអាកាសក្បាលថ្នល់បណ្តាលឱ្យខូចខ្ទេចមួយកំណាត់មុខ។
ហេតុការណ៍នេះបានកើតឡើងស្ថិតនៅតាមផ្លូវជាតិលេខ២ ក្នុងសង្កាត់អង្រែលើ ខណ្ឌមានជ័យកាលពីរំលងអធ្រាត្រចូលថ្ងៃទី៩ ខែតុលា។អ្នកឃើញហេតុការណ៍បានឱ្យដឹងថា ដំបូងរថយន្តផ្លាកលេខភ្នំពេញ2M-9008 បើកពីលិចទៅកើតតាមផ្លូវជាតិលេខ២ក្នុងល្បឿនលឿន។មកដល់កន្លែងខាងលើក៏រេចង្កូតទៅបុកចំកណ្តាលបង្កាន់ដៃស្ពានអាកាសក្បាលថ្នល់បណ្តាលឱ្យខូចខ្ទេចផ្នែកខាងមុខ។ក្នុងនោះមិនបង្កគ្រោះថ្នាក់ដល់ជីវិតមនុស្សទេ។
បន្ទាប់មកអ្នកបើកបររថយន្តបានបើកទ្វារររត់គេចខ្លួនបាត់បន្សល់តែរថយន្តនៅទីនោះ។ក្រោយមកសមត្ថកិច្ចនគរបាលរាជធានីភ្នំពេញបានយករថយន្តទៅរក្សាទុក រង់ចាំម្ចាស់ចូលខ្លួនដោះស្រាយពេលក្រោយ៕
