ព្រះសីហនុ៖គ្រោះថ្នាក់ចរាចរណ៍មួយរវាងរថយន្តធុនធំបើកបុកជាមួយរថយន្តកែច្នៃបណ្តាលឱ្យតៃកុងរថយន្តធំរងរបួសធ្ងន់។ហេតុការណ៍នេះបានកើតឡើងនៅលើដងផ្លូវជាតិលេខ៤ ចន្លោះគីឡូម៉ែត្រ ១២១-១២២ ស្ថិតក្នុងភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ កាលពីយប់ ថ្ងៃទី១១ ខែកញ្ញា ឆ្នាំ២០២០។
មន្ត្រីកងរាជអាវុធហត្ថ ស្រុកកំពង់សិលា ខេត្តព្រះសីហនុ បានឱ្យដឹងថាៈ គ្រោះថ្នាក់ចរាចរណ៍ រវាងរថយន្តធំម៉ាកហ៊្វុយហ្សួ ក្បាលពណ៌លឿង សណ្តោងរ៉ឺម៉ក ពាក់ផ្លាកលេខ ព្រះសីហនុ 3A -6926 អ្នកបើកបរ ឈ្មោះ ម៉ៅ ប៉ាលី ភេទប្រុស អាយុ ២៦ឆ្នាំ មានទីលំនៅ ភូមិត្រពាំងក្រសាំង ឃុំក្រាំងអំពិល ស្រុកសំរោងទង ខេត្តកំពង់ស្ពឺ ។
ប្រភពដដែល បានបន្តថាៈ ជនរងគ្រោះ (ម៉ៅ បាលី) បើកបរក្នុងទិសដៅ ពីព្រះសីហនុ-ភ្នំពេញ បានបុកប៉ះជាមួយ រថយន្តកែច្នៃមួយគ្រឿង បើកបរស្របទិសគ្នា បណ្តាលអោយអ្នកបើកបរ រថយន្តហ៊្វុយយហ្សួ រងរបួសធ្ងន់ ហើយបានត្រូវបញ្ជូនទៅ មន្ទីពេទ្យបង្អែក ខេត្តព្រះសីហនុ ។ ចំណែកអ្នកបើកបរ រថយន្តកែច្នៃ បានរត់គេចខ្លួនបាត់៕