ភ្នំពេញ៖ កម្លាំងនគរបាលប៉ុស្តិ៍ក្រាំងធ្នង់ សហការជាមួយកម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃបានឃាត់ខ្លួនជនសង្ស័យ២នាក់ តាមដីកា ពីបទឆបោក ។
ករណីឃាត់ខ្លួនពួកគេទាំង២នាក់នេះធ្វើឡើងនៅចំណុចភូមិវិមានទ្រង់ សង្កាត់ក្រាំងធ្នង់ ខណ្ឌសែនសុខកាលពីរសៀលថ្ងៃទី៩ ខែកញ្ញា ឆ្នាំ២០២០។
សមត្ថកិច្ចបានឱ្យដឹងថា៖ ជនសង្ស័យទាំងពីរនាក់ឃាត់ខ្លួនតាមដីកាលេខ១១២៦ដចន ចុះថ្ងៃទី២៨-០៨-២០២០ របស់លោក ធាម ច័ន្ទពិសិដ្ឋ ចៅក្រមសើបសួរសាលាដំបូងរាជធានីភ្នំពេញ ពីបទឆបោក ប្រព្រឹត្តនៅរាជធានីភ្នំពេញ កំឡុងឆ្នាំ២០១៩-២០២០។
ជនសង្ស័យទាំង២នាក់មាន៖ ១-ឈ្មោះ ធា សូត្រា ភេទប្រុស អាយុ៣២ឆ្នាំ។ទី ២ឈ្មោះ អ៊ូ ម៉ាលាភ ភេទស្រី អាយុ២៩ឆ្នាំ ស្នាក់នៅផ្ទះលេខ២៧ ផ្លូវបេតុង បូរីមហាសែនសុខភូមិវិមានទ្រង់សង្កាត់ក្រាំងធ្នង់ខណ្ឌសែនសុខ។បច្ចុប្បន្នជនសង្ស័យត្រូវបានបញ្ជួនទៅកាន់នាយកដ្ឋាននគរបាលព្រហ្មទណ្ឌក្រសួងមហាផ្ទៃ ដើម្បីបន្តនីតិវិធី៕