ភ្នំពេញ៖បុរសម្នាក់ជិះទូកដពីព្រែកលៀបឆ្លងទៅកោះដាច់ដល់កណ្តាលទន្លេក៏លោតទឹកពីលើទូកដនោះលិចខ្លួនបាត់ រហូតមកដល់ពេលនេះគេមិនទាន់រកឃើញនៅឡើយ។
ករណីមនុស្សលោតពីលើទូកដបានបង្កឱ្យមានការភ្ញាក់ផ្អើលនៅកណ្តាលទន្លេមេគង្គក្នុងសង្កាត់ព្រែកលៀបខណ្ឌជ្រោយចង្វារកាលពីរសៀលទី១ ខែមេសាឆ្នាំ២០២២។
អ្នកដំណើរលើទូកដបានឱ្យដឹងថា បុរសដែលទំនងមានវិបត្តិរូបនោះមិនស្គាល់អត្តសញ្ញាណគេពាក់អាវសដៃខ្លីនិងស្លៀកខោជើងវែង។មុនកើតហេតុបុរសរូបនោះបានដើរមកជិះទូកដឆ្លងពីព្រែកលៀបទៅសង្កាត់កោះដាច់។
ក្រោយមកទូកដចេញបានជិតដល់កណ្តាលទន្លេមេគង្គស្រាប់តែបុរសរូបនោះបានលោតទម្លាក់ខ្លួនចូលក្នុងទន្លេលិចបាត់ដោយមិនមានបន្សល់ទុកអ្វីទេហើយមិនដឹងមានវិបត្តិអ្វីដែរ។រហូតមកដល់ពេលនេះការស្វែងរកមនុស្សដែលលោតទឹកមិនទាន់ឃើញនៅឡើយ៕
