ជិះម៉ូតូលឿនទៅបុករថយន្ត បណ្ដាលឲ្យដួលបាក់កស្លាប់

(ភ្នំពេញ) បុរសម្នាក់ជិះម៉ូតូលឿនជ្រុលទៅបុករថយន្តដឹកទឹកកកអនាម័យបណ្ដាលឱ្យដួលបាក់កស្លាប់នៅផ្លូវ៥០ម៉ែត្រក្នុងភូមិជើងឯក ខណ្ឌដង្កោកាលពីយប់ថ្ងៃទី២៣ ខែមីនា។
សមត្ថកិច្ចបានឱ្យដឹងថា បុរសដែលស្លាប់ឈ្មោះ ចាន់ ឫទ្ធី អាយុ៣១ឆ្នាំជាកម្មកររោងចក្រនៅភូមិបុរីកម្មករ សង្កាត់ជើងឯក ខណ្ឌដង្កោ ជិះម៉ូតូម៉ាកហុងដាឌ្រីម។អ្នកបើកបររថយន្តបង្កត្រូវ សមត្ថកិច្ចឃាត់ខ្លួនយកទៅសាកសួរនៅប៉ុស្តិ៍នគរបាលរដ្ឋបាលជើងឯក។រីឯរថយន្តដឹកទឹកកកអនាម័យនេះជារបស់ក្រុមហ៊ុន អ៊ីវ៉ាព្រៀមម៉ាកអីស្ស៊ុយសុយផ្លាកលេខភ្នំពេញ 2BE-1650 ។
ចំណែកមធ្យោបាយទាំង២គ្រឿងជាមូយអ្នកបើកបរត្រូវសមត្ថកិច្ចជំនាញចុះយកទៅឃុំនិងរក្សាទុកនៅនគរបាលចរាចរណ៍រាជធានីភ្នំពេញដើម្បីចាត់ការបន្ត៕