បុរសម្នាក់ កំពុងបើករថយន្តតាមផ្លូវ ទំនងខ្យល់គរ បែកពពុះមាត់ស្លាប់ ពេលដឹកទៅមន្ទីរពេទ្យ

ភ្នំពេញ៖បុរសម្នាក់ពេលកំពុងបើកបររថយន្តតាមផ្លូវទំនងខ្យល់គរក៏អែបរថយន្តមានអាការៈបែកពពុះមាត់សន្លប់ស្តូកស្តឹងនៅលើរថយន្តហើយបានស្លាប់ពេលដឹកទៅមន្ទីរពេទ្យ។
ហេតុការណ៍នេះបានកើតឡើង នៅក្រោមស្ពាន អាកាសថ្មើជើងផ្សារដើមគ សង្កាត់ផ្សារដើមគ ខណ្ឌទួលគោក កាលពីម៉ោងជាង១០ព្រឹកថ្ងៃទី២៣ខែកុម្ភៈឆ្នាំ២០២២។
សមត្ថកិច្ចបានឱ្យដឹងថា បុរសដែលស្លាប់ឈ្មោះ ពូ យាន ជាអ្នកបើករថយន្តឈ្នួលពីភ្នំពេញទៅអ្នកលឿង។រថយន្តម៉ាក ហាយឡែនឌ័រផ្លាកលេខភ្នំពេញ2AB-9033 បើកតាមផ្លូវម៉ៅសេទុងតែម្នាក់ឯង។ពេលបើកមកដល់កន្លែងកើតហេតុទំនងមិនស្រួលខ្លួនបានអែបរថយន្តនៅចិញ្ចើមផ្លូវអង្គុយផ្អែកកៅអី ក្នុងរថយន្តស្រាប់តែបែកពពុះមាត់។
អ្នកនៅក្បែរនោះ,អ្នកដំណើរនិងសមត្ថកិច្ចបានទំនាក់ទំនងទៅក្រុមគ្រួសារមកដឹក យកទៅមន្ទីរពេទ្យជួយសង្រ្គោះ។តែអកុសលពេលដឹកទៅមន្ទីរពេទ្យក្រុមគ្រូពេទ្យប្រាប់ថាជនរងគ្រោះបានស្លាប់បាត់ទៅហើយ៕